राजनीतिक दलहरू र नेताहरूमाथि लागेका आरोपः नातावाद कृपावाद, भ्रष्टाचार र अपारदर्शिता

काठमाडौ । आधुनिक लोकतन्त्रमा जनताको समर्थन र विश्वास राखेर चल्ने राजनीतिक दलहरू र नेताहरूमाथि नातागोता, भ्रष्टाचार र अपारदर्शिताका आरोप लागातार लागिरहेका छन् । यी आरोपहरू देशको राजनीतिक संस्कृतिलाई दूषित बनाउँछन् र साथै जनतामा राजनीतिप्रति अविश्वासको भावना पैदा गर्छन् ।

नातागोता अर्थात नातावाद कृपावाद वा दलगत पक्षपातका कारण योग्यता र क्षमता भन्दा व्यक्तिगत सम्बन्धहरू नै निर्णायक बन्दै जान्छन् । यसले गर्दा देशका महत्वपूर्ण पदहरूमा अक्षम व्यक्तिहरू पुग्छन् जसले गर्दा सरकारी नीति तथा कार्यान्वयनमा सुधार हुँदैंन । उदाहरणका लागि नेपाल विद्युत प्राधिकरणमा भएको नियुक्ति जसको जनमानसले विरोध गरिरहेका छन् ।

भ्रष्टाचार पनि धेरै देशहरूको विकासको मुख्य बाधा बनेको छ । जनताको धनको दुरुपयोग भई व्यक्तिगत फाइदाका लागि गर्ने प्रवृत्ति लोकतान्त्रिक मूल्यलाई ध्वस्त गर्छ । उदाहरण्का लागि लाउडा कान्ड, वाईडबाडि, ललिता निवास, गिरिबन्धु टि स्टेट, सुन तस्करि, भुटानि शरणर्थि लगायत । त्यस्तै, अपारदर्शिताका कारण जनतालाई राज्यका कामकाजबाट बाहिर राखिन्छ । नीति निर्माण र निर्णय लिने प्रक्रियामा अपारदर्शिता आएमा जनताको भागीदारी घट्छ र नेताहरू जवाफदेही हुन्नन् ।

यस्तो अवस्थामा देशको राजनीतिक सुधारका लागि जनताको सक्रिय सहभागिता, मिडियाको सत्यनिष्ठ भूमिका र निर्वाचन प्रणालीमा सुधार आवश्यक छ । राजनीतिक दलहरूले आफ्नो आन्तरिक लोकतन्त्रलाई मजबूत बनाउनुपर्छ र जवाफदेहीपना अपनाउनुपर्छ ।-ईहे न्यूजडेस्क