नयाँ दिल्ली । भारतमा कोरोना संक्रमितको संख्या लगातार बढिरहेको छ । शुक्रबार सार्वजनिक भएको तथ्यांक अनुसार पछिल्लो २४ घण्टामा ६ हजार ५० जना कोरोना संक्रमित भेटिएका छन् । यो अघिल्लो दिन प्राप्त नयाँ केसको तुलनामा करिब १३ प्रतिशत बढी हो । देशमा कोरोनाका सक्रिय केस अर्थात् उपचाररत बिरामीको संख्या २८ हजार ३०३ पुगेको छ । यसअघि बिहीबार १९५ दिनपछि देशमा ५ हजार ३ सय ३५ नयाँ कोरोना संक्रमित थपिएका थिए । गत वर्ष २३ सेप्टेम्बरमा दैनिक ५ हजार ३ सय ८३ जनामा कोरोना संक्रमण देखिएको थियो । हालसम्म भारतमा ४ करोड ४७ लाख मानिस कोरोनाको चपेटामा परेका छन् ।
२०३ दिनपछि भारतमा एकै दिन ६ हजार ५० नयाँ कोरोना संक्रमित थपिएका छन् । यसअघि गत सेप्टेम्बर १६ मा दैनिक ६ हजार २९८ जनामा संक्रमण देखिएको थियो । हालसम्म देशमा ४ करोड ४७ लाखभन्दा बढी मानिस कोरोनाको चपेटामा परेका छन् । महाराष्ट्रमा तीन, कर्नाटक र राजस्थानमा दुई–दुई र दिल्ली, गुजरात, हरियाणा, हिमाचल प्रदेश, जम्मू–कश्मीर र पञ्जाबमा एक–एक जनाको मृत्यु भएको छ । हालसम्म देशमा संक्रमणका कारण ज्यान गुमाउनेको संख्या ५ लाख ३० हजार नाघेको छ ।
भारतीय स्वास्थ्य मन्त्रालयको तथ्यांकअनुसार मुलुकमा हाल २८ हजार ३०३ कोरोना संक्रमित उपचाररत छन् जुन कुल संक्रमितको ०.६ प्रतिशत हो । विरामीहरुको निको हुने दर ९८.७५ प्रतिशत रहेको छ । देशमा दैनिक संक्रमण दर ३.३९ प्रतिशत र साप्ताहिक दर ३.०२ प्रतिशत रहेको छ । अहिलेसम्म कुल ४.४१ करोड मानिस संक्रमणबाट निको भएका छन् र कोभिड–१९ बाट मृत्युदर १.१९ प्रतिशत छ । राष्ट्रव्यापी खोप अभियान अन्तर्गत, देशमा २२०.६६ करोड डोज एन्टि कोभिड–१९ खोप दिइएको छ ।
देशका विभिन्न भागमा कोरोनाको बढ्दो केसका बीच नयाँ केस आउने क्रममा एक्सबीबी १.१६ संस्करण सबैभन्दा बढी देखिएको छ । हालसम्म रिपोर्ट गरिएका कोभिड–१९ का सबै केसमध्ये ३८.२ प्रतिशत यस प्रकारका छन् । भारतीय SARS Cove–2 Genomic Organization -INSACOG को नयाँ बुलेटिनमा यो जानकारी दिइएको छ । बिहीबार, मार्च २७ मा जारी गरिएको बुलेटिनमा, यो भनिएको थियो कि मार्च २०२३ को तेस्रो हप्ता सम्म सङ्कलन गरिएका नमूनाहरूमा XBB सबैभन्दा बढी ओमिक्रोन उपप्रकार भएको छ ।
Add Comment