आज आदिमासको परमा एकादशी,  पूजा विधि, शुभ समय र महत्व

आधिक महिनाको कृष्ण पक्षको एकादशीलाई परम एकादशी भनिन्छ । यस दिन विश्वका रक्षक भगवान श्रीहरि विष्णुको पूजा आराधना गरी व्रत बस्ने गरिन्छ । यस वर्ष परमा एकादशी व्रत २७ श्रावण २०८०, शनिबार मनाइँदैछ । प्रत्येक महिनाको एकादशीलाई पूजाआजाका लागि उत्तम मानिएको भए पनि परमा एकादशीको महत्व बढी रहेको कारण यो व्रत तीन वर्षमा एकपटक आउँछ । जीवनमा सुख–समृद्धि तथा मोक्ष प्राप्तिका लागि परमा एकादशीको व्रत मनाइन्छ ।

परमा एकादशी व्रत २०८०

साउन महिनाको कृष्ण पक्षको एकादशी श्रावण २६ गते बिहान ५ः०६ बजे सुरु हुँदैछ । श्रावण २७ मा ०६ः३१ बजे समाप्त हुनेछ । परमा एकादशी व्रत श्रावण २७ गते मनाइँदैछ । यस दिन पूजाको समय विहान ७ः२९ देखि ९ः०७ बजेसम्म रहेको छ ।

परमा एकादशी २०८० व्रत समय

परमा एकादशी व्रतको पराना समय २८ श्रावण २०८०, आइतबार बिहान ५ः४९ देखि बिहान ८ः१९ सम्म हो ।

परमा एकादशी व्रत र पूजा विधि

परमा एकादशीको दिन बिहान सबेरै उठेर स्नान गरी सूर्यदेवलाई अर्घ्य दिनुपर्छ ।

यसपछि पितृको श्राद्ध गर्ने ।

त्यसपछि भगवान विष्णुको पूजा गर्ने ।

ब्राह्मणहरूलाई फलफूल चढाएर दक्षिणा दिने ।

यस दिन परम एकादशी व्रत कथा सुन्ने । 

पारण मुहूर्तमा द्वादशीका दिन एकादशी व्रत तोड्ने ।

परमा एकादशीको महत्व

जीवनमा सुख–समृद्धिको कामना तथा मोक्ष प्राप्तिको कामना गर्न प्रत्येक एकादशीको व्रत मनाइने भए पनि गरिबीका कारण समस्यामा परेका वा मृत्युपछि मोक्षको कामना गर्नेहरूका लागि परमा एकादशीको व्रत विशेष छ ।