काठमाडौं । रसुवामा रहेको अपर त्रिशूली–१ जलविद्युत् आयोजनाको सुरुङबाट नेपाली सेनाले आज ११ वटा शव निकालेको छ।
सुरुङभित्रबाट शव निकाल्ने कार्य नेपाली सेनाको टोलीले गरेको हो। यसअघि सुरुङभित्र फसेका व्यक्तिको खोज तथा उद्धारका लागि नेपाली सेना लगायतका सुरक्षा निकायको टोली परिचालन हुँदै आएको थियो।
आज ११ वटा शव निकालिएसँगै घटनामा ज्यान गुमाउनेको विवरण थप स्पष्ट हुँदै गएको छ। शव पहिचान तथा अन्य विवरणबारे सम्बन्धित निकायबाट थप जानकारी आउन बाँकी रहेको छ।
घटनासम्बन्धी उद्धार तथा खोजी कार्य जारी रहेको जनाइएको छ।
