आजदेखि मंसिर महिना सुरु, यस वर्ष विवाहका लागि ८ दिन शुभ लगन

आजदेखि मंसिर महिना सुरु, यस वर्ष विवाहका लागि ८ दिन शुभ लगन

काठमाडौं । नेपाली पात्रोअनुसार आजदेखि मंसिर महिना सुरु भएको छ। मंसिरलाई विवाह तथा शुभकार्यका लागि उपयुक्त महिनाका रूपमा लिने गरिन्छ। यस वर्ष मंसिर महिनामा विवाहका लागि आठ दिन शुभ लगन परेको छ।

उपलब्ध पात्रोअनुसार मंसिर ९, १०, १६, १७, १९, २४, २५ र २६ गते विवाहको लगन रहेको छ।

मंसिर महिनामा विवाह, व्रतबन्ध तथा अन्य शुभकार्य गर्ने परम्परा नेपाली समाजमा लामो समयदेखि चल्दै आएको छ। विशेषगरी विवाहको मौसम सुरु भएसँगै विवाहमण्डप, पार्टी प्यालेस तथा विभिन्न समारोहस्थलमा चहलपहल बढ्ने गर्दछ।

विवाहको लगन परेका दिनहरूमा विवाहको तयारी गर्ने परिवारलाई सहज हुने भएकाले पनि यी मितिहरूको विशेष महत्व रहने गर्दछ।

यो समाचारलाई प्रतिक्रिया दिनुहोस्

Leave a Reply