बंगलादेशले घरेलु मैदानमा लगातार तेस्रो शृङ्खला जित्या

गुयाना । तीन खेलको सिरिजको दोस्रो खेलमा बंगलादेशले वेस्ट इन्डिजलाई ९ विकेटले पराजित गरेको छ । यो जितसँगै सिरिजमा २–० को अजेय अग्रता बनाएको छ । योसँगै बंगलादेशले घर बाहिर लगातार तेस्रो सिरिज जितेको छ । यसअघि उनले जिम्बावे र दक्षिण अफ्रिकालाई आफ्नै घरमा पराजित गरेका थिए । बंगलादेशले पहिले वेस्ट इन्डिजका ब्याट्सम्यानलाई १०८ रनमा आउट गरेपछि २०.४ ओभरमा जितका लागि आवश्यक रन बनाएको थियो ।

गुयानामा बुधबार राति भएको खेलमा बंगलादेशका कप्तान तमिम इकबालले टस जितेर फिल्डिङ गर्ने निर्णय गरेका छन् । बंगलादेशी बलरहरूले उनको निर्णय सही साबित गरे । क्यारेबियन ब्याट्सम्यानहरू यहाँको प्रोभिडेन्स स्टेडियमको पिचमा बंगलादेशी बलरहरूसामु संघर्षरत देखिए । वेस्ट इन्डिजको सम्पूर्ण टोली ३५ ओभर मात्रै खेल्न सकेको थियो । उनका ५ ब्याट्सम्यानले दोहोरो अंक पार गरे तर कसैले २५ रनभन्दा बढी रन बनाउन सकेनन् । किमो पलले सर्वाधिक २५ रन बनाए । साई होपले १८ रन जोडे भने काइल मेयर्सले १७ रन जोडे । मेहिदी हसनले ४ विकेट लिए भने नसुम अहमदले ३ विकेट लिए ।