थप १ हजार ९५७ जनामा कोरोना भाइरसको सङ्क्रमण पुष्टि

काठमाडौं । मंगलबार थप १ हजार ९५७ जनामा कोरोना भाइरसको सङ्क्रमण पुष्टि भएको छ । स्वास्थ्य तथा जनसंख्या मन्त्रालयका अनुसार कूल १२ हजार ६९२ जनाको कोरोना परीक्षण गर्दा पीसीआर विधिबाट १ हजार १८४ तथा एन्टिजेन विधिबाट ७७३ जनामा सङ्क्रमण पुष्टि भएको हो ।

सोही अवधिमा थप ११ जना संक्रमितले ज्यान गुमाएका छन् भन् थप ५ हजार १०३ जना संक्रमणमुक्त भएको मन्त्रालयले जनाएको छ । त्यस्तै हालसम्म नेपालमा कोरोनासंक्रमणबाट ज्यान गुमाउनेको संख्या कूल ११ हजार ८३८ पुगेको छ । मन्त्रालयका अनुसार देशभर ३६ हजार १८१ जना सक्रिय सङ्क्रमित रहेका छन् ।