भारत एकदिवसीयमा पनि बन्यो नम्बर १ः तेस्रो खेलमा ९० रनले हराउँदै किविजमाथि तेस्रो पटक क्लिन स्वीप

इन्दौर । तेस्रो एकदिवसीय क्रिकेटमा भारतले न्यूजिल्याण्डलाई ९० रनले पराजित गरेको छ । योसँगै भारतीय टोलीले सिरिजमा ३–० ले क्लिन स्वीप गर्दै भारतीय टोली अब एकदिवसीय क्रिकेटमा विश्वको नम्बर १ टोली बनेको छ । हामी टी–२० मा पहिले नै नम्बर–१ छ । टेस्टमा हाम्रो वरियतामा नम्बरमा २ छ ।

इन्दौरको होल्कर मैदानमा टस हारेर पहिले ब्याटिङ गरेको भारतले ३८५÷९ रन बनाएको थियो । गिलले ७८ बलमा ११२ रन बनाए भने रोहितले ८५ बलमा १०१ रन बनाए । यी दुई बाहेक हार्दिक पाण्ड्याले पनि राम्रो ब्याटिङ गरेका थिए । उनले ३८ बलमा ५४ रन बनाए । विराट कोहलीले बीचमा ३६ रन जोडे । न्युजिल्याण्डका ज्याकब डफी र ब्लेयर टिकनरले ३–३ विकेट लिए । जवाफमा न्यूजिल्याण्डको टोली ४१.२ ओभरमा २९५ रनमा अलआउट भयो । उनको तर्फबाट ड्वेन कोनवे (१३८ रन)ले शतक खेले पनि आफ्नो टिमलाई जित दिलाउन सकेनन् । कोनवेका अलावा हेनरी निकोल्सले ४२ र माइकल ब्रेसवेलले २६ रन बनाएका थिए ।