भारतीय बिदेश मन्त्री एस जयशंकरले कुनै असहमति जाहेर गरेको छैन : प्रधानमन्त्री

काठमाडौं । प्रधानमन्त्री पुष्पकमल दाहालले भारतीय बिदेश मन्त्रीले आफनो भ्रमण भएकै बेला चिनियाँ प्रतिनिधिमण्डलले गरेको भ्रमण प्रति रोष प्रकट गरेको बिषयमा सत्यता नभएको बताएका छन् । आज बिहान प्रतिनिधिसभाको राज्य व्यवस्था तथा सुशासन समितिको संवैधानिक परिषद् (काम, कर्तव्य, अधिकार र कार्यविधि) सम्बन्धी ऐन २०६६ लाई संशोधन गर्न बनेको विधेयकमाथिको छलफलका क्रममा प्रधानमन्त्री दाहालले सो प्रष्टिकरण दिएका हुन ।

‘भारतिय विदेश मन्त्रीले चिनिया प्रतिनिधि मण्डलको भ्रमणलाई लिएर असन्तुष्टी जनाएको भन्नेमा बिषयमा कुनै सत्यता छैन, मसँगको कुराकानीमा एस जयशंकरले एक शब्द पनि उनले उच्चारण गरेको छैन्,’ उनले भने ‘मसँगको अनौपचारिक ‘वान टु वान’ कुरा हुँदा पनि यो विषयमा प्रश्न चासो उहाँले राखेको हैन, यो प्रष्ट हुन अनुरोध गर्छु कि यो गलत चर्चा हो ।’ नेकपा एमालेका सांसद रघुजी पन्तले चिनियाँ प्रतिनिधि मण्डलको भ्रमण प्रति भारतीय बिदेश मन्त्री जयशंकरले असन्तुष्टी जनाएको भन्ने बिषयबारे प्रस्टाउनु पर्ने धारणा राखेका थिए ।

‘चिनिया पदाधिकारी आएकोमा असन्तुष्टि यस जयशंकरले पोखे भन्ने कुरा आयो, यो कुटनैतिक दृष्टिकोणले ठिक भएन । नेपाल सार्वभौम भएकाले जो पनि आउन पाउँछन् ।’ पन्तले सो धारणा राखेपछि प्रधानमन्त्री दाहालको सो स्पष्टीकरण आएको हो । बिहीबार दिउँसो चिनियाँ कम्युनिस्ट पार्टी (सीपीसी) का युनान प्रान्त डेपुटी सेक्रेटरी सी युगाङ चारदिने भ्रमणका लागि काठमाडौं आएका छन, जुन दिन भारतीय बिदेश मन्त्री यस जयशंकर पनि नेपाल आएका हुन ।