सुन–चाँदीको भाउ ओरालो, आज कति छ मूल्य ?

काठमाडौं । केही दिनको उतारचढावपछि नेपाली बजारमा सुन र चाँदी दुवैको मूल्य घटेको छ। सोमबार सुन प्रतितोला १ हजार २०० रुपैयाँ सस्तिएको नेपाल सुनचाँदी व्यवसायी महासंघले जनाएको छ।

नयाँ मूल्यअनुसार छापावाल सुनको कारोबार प्रतितोला ३ लाख १ हजार रुपैयाँमा भइरहेको छ। अघिल्लो दिन अर्थात् आइतबार यही सुनको मूल्य ३ लाख २ हजार २०० रुपैयाँ थियो।

सुनको मूल्य प्रतितोला मात्र नभई १० ग्रामका आधारमा पनि निर्धारण गरिएको छ। सोमबार १० ग्राम छापावाल सुनको मूल्य २ लाख ५८ हजार ६० रुपैयाँ पुगेको छ।

उता, चाँदीको बजार मूल्यमा पनि कमी आएको छ। महासंघका अनुसार आइतबारको तुलनामा सोमबार चाँदी प्रतितोला ४० रुपैयाँले घटेको हो।

सोमबार चाँदी प्रतितोला ४ हजार ६२० रुपैयाँमा किनबेच भइरहेको छ। अघिल्लो दिन यसको मूल्य ४ हजार ६६० रुपैयाँ थियो। १० ग्राम चाँदीको मूल्य भने ३ हजार ९६१ रुपैयाँ कायम गरिएको छ।

यसरी हेर्दा सोमबार नेपाली बजारमा बहुमूल्य धातु सुनसँगै चाँदीको मूल्यसमेत ओरालो लागेको छ।