राष्ट्रिय परिचय पत्र विवरण संकलन वडाबाटै हुने — महानिर्देशक भट्टराई 

काठमाडौँ । राष्ट्रिय परिचयपत्रका लागि विवरण संकलनकार्य काठमाडौँ महानगरका वडाबाटै हुने भएको छ । यसकालागि राष्ट्रिय परिचयपत्र तथा पञ्जिकरण विभागले वडाध्यक्ष र सचिवहरुका लागि शुक्रबार अभिमुखीकरण आयोजना ग¥यो । यसअघि राष्ट्रिय सभा गृहबाट विवरण संकलनहुने गरेको थियो । अभिमुखीकरण कार्यक्रममा प्रस्तुतिकरण गर्दै विभागका महानिर्देशक तीर्थराज भट्टराईले सुरुमा केही वडाबाट कामथालनी गर्ने र एक हप्ताभित्र सबै वडामा सेवा पु¥याउने लक्ष्य सहित योजना गरिएको बताए ।

नागरिकको पहिचानलाई डिजिटल पहिचानगर्ने, व्यक्तिगतर जैविकपहिचानलाई एकीकृत गर्ने राष्ट्रिय परिचयपत्र बनाउनुको अवधारणा हो । राष्ट्रिय परिचयपत्र तथा पञ्जीकरण ऐन २०७६, कार्यविधि २०७७ परिचयपत्रका कानुनी आधार हुन् । यसमा जनसांख्यिक र जैविक विवरण समावेश हुन्छ । जनसांख्यिक विवरणमा नाम थर, जन्ममिति, लिङ्ग, राष्ट्रियता, स्थायी अस्थायी ठेगाना, बुबाआमा, पतिपत्नी, बाजे बज्यैको नाम थर, नागरिकता सम्बन्धी सूचना पर्छन् । यसैगरी जैविक विवरणमा दश औलाको छाप, आँखाको रङ्ग, अनुहारको फोटो लगाय तविवरण पर्छन् । परिचयपत्रका विषयमा जानकारी दिँदै महानिर्देशक भट्टराई भन्छन्, यसप्रकारका विवरणबाट नागरिकको वास्तविक पहिचान प्रमाणीकरण हुन्छ । सार्वजनिक सेवाप्रवाह, शान्ति सुरक्षा, सामाजिक सुरक्षा, कर प्रणाली, राहदानी जस्ता सेवा यससँग आवद्ध हुने भएकोले सेवा वितरण र व्यवस्थापनमा सहज हुन्छ । हरेक व्यक्तिलाई १० अङ्कको छुट्टाछुट्टै परिचयपत्र दिइन्छ ।

विवरण दिन जाँदा नेपाली नागरिकताको प्रमाणपत्रको सक्कलप्रति, नागरिकताको प्रमाणपत्रमा जन्ममिति नखुलेको भए शैक्षिक योग्यताका प्रमाण पत्र, राहदानीवा यस्तै खालका मितिखुल्ने आधिकारिक प्रमाण चाहिन्छ । नागरिकताको प्रमाणपत्रमा उल्लेखित भन्दा फरक स्थायी ठेगाना भएमा बसाइँ सराइदर्ताको प्रमाणपत्र सक्कलप्रति लैजानुपर्छ । राज्यपुनःसंरचनाका कारण ठेगाना परिवर्तन भएको हकमा त्यस्तो कागजात आवश्यक पर्दैन । विवाहितको हकमा नागरिकताको प्रमाणपत्रमा पतिवापत्नीको नाम उल्लेख नभएमा वा फरक परेमा विवाहदर्ताको प्रमाणपत्रको सक्कल प्रति आवश्यक पर्छ ।