काठमाडौं । कामीरिता शेर्पाले २७ औं पटक विश्वको सर्वोच्च शिखर सगरमाथाको आरोहण गरेर आफ्नै कीर्तिमान तोडेकी छन् । कामीरिता शेर्पा भियतनामी पर्वतारोहीलाई मार्गदर्शन गर्दै सफलतापूर्वक शिखरमा पुगेकी छन् । यसअघि आइतबार नै अर्का पर्वतारोही पासाङ दावा शेर्पाले २६ औं पटक चुचुरोमा पुगेर कीर्तिमान बनाएका थिए ।
६३ वर्षीया कामीरिता शेर्पाले पहिलो पटक सन् १९९४ मा व्यावसायिक आरोहणका लागि सगरमाथा आरोहण गरेका थिए । त्यसपछि उनी एभरेष्ट म्यान भनेर चिनिन थाले । उनले सन् २०१४, २०१५ र २०२० बाहेक हरेक वर्ष सगरमाथा आरोहण गरेका छन् । सन् २०१९ मा उनले छ दिनमा दुई पटक सगरमाथा आरोहण गरेका थिए ।
कामीरिता शेर्पाले आफूले धेरैजसो गाईडका रूपमा सगरमाथा आरोहण गरेको बताउँछन् । यो उनको काम हो । उनले २२ औं पटक सगरमाथा आरोहण गरेर २०१८ मा पहिलो पटक विश्व कीर्तिमान बनाएका थिए ।
Add Comment