हिन्दू क्यालेन्डर अनुसार सनातन धर्ममा नवरात्रिको समयमा देवी दुर्गाका विभिन्न नौ रूपको पूजा गरी आशिर्वाद प्राप्त गरिन्छ । नवरात्रि प्रत्येक वर्ष चार पटक मनाइन्छ जसमा नवरात्रि चैत्र र अश्विन (शारदीय नवरात्र) मा मनाइन्छ । गुप्त नवरात्रि माघ र आषाढ महिनामा मनाइन्छ । गुप्त नवरात्रिमा दुर्गाको पूजा गर्नाले साधकले सबै संकटबाट मुक्ति पाउन सकिन्छ भन्ने विश्वास गरिन्छ ।
गुप्त नवरात्रि २०२४ शुभ समय
माघ शुक्ल पक्षको प्रतिपदा तिथिबाट गुप्त नवरात्र सुरु हुने मानिन्छ । यस्तो अवस्थामा क्यालेन्डर अनुसार २०२४ मा माघगुप्त नवरात्रि फागुन १० गते शनिबारदेखि सुरु हुँदैछ । योसँगै फागुन १८ गते आइतबार सकिँदैछ ।
घट स्थापना र मुहूर्त (गुप्त नवरात्रि)
घटस्थापना पनि गुप्त नवरात्रिमा गरिन्छ । यस्तो अवस्थामा माघ गुप्त नवरात्रिको घटस्थापनाको समय यस्तो हुनेछ ।
घटस्थापना मुहूर्त – १० फेब्रुअरी, बिहान ८ः४५ देखि १०ः१० बजेसम्म
घटस्थापना अभिजित मुहूर्त – १० फेब्रुअरी, १२ः१३ बजेदेखि १२ः५८ बजेसम्म
गुप्त नवरात्रिमा दश महाविद्याको पूजा गर्ने चलन छ । यी १० महाविद्याहरू माता दुर्गाका रूप हुन् । काली, तारा, छिन्नमस्ता, षोडशी, भुवनेश्वरी, त्रिपुरा भैरवी, धुमावती, बगलामुखी, मातंगी र कमला यिनको पूजा गर्नाले साधकको सफलता प्राप्त हुने जनविश्वास छ ।
माघ महिनाको गुप्त नवरात्रिमा मुख्यतया नौ दिनमा दस महाविद्याको पूजा गरिन्छ । यो पूजा तन्त्र–मन्त्रको अभ्यासका लागि विशेष मानिन्छ, त्यसैले यो पूजा प्रायः अघोरीहरूले गर्ने गर्छन् । यो पुजा गोप्य राखिने भएकाले साधकको मनोकामना पनि छिट्टै पूरा हुने जनविश्वास छ । यही कारणले गर्दा यस नवरात्रलाई गुप्त नवरात्रि पनि भनिन्छ । यी नौ दिनमा अखण्ड दीप प्रज्वलन गरिन्छ ।
यो गुप्त नवरात्रीमा नौ देवी देवताका लागि मात्र नभई माता सरस्वती र माता नर्मदाको पुजाका लागि पनि दुई विशेष दिन हुनेछन् । किनभने वसन्त पञ्चमी गुप्त नवरात्रीको मध्यमा अर्थात् १४ फेब्रअरीमा मनाइन्छ, जसमा माता सरस्वतीको पूजा गरिन्छ । जबकि माँ नर्मदा जयन्ती फेब्रअरी १६ मा मनाइँदैछ । यस्तो अवस्थामा भक्तहरूले माता सरस्वती र माता नर्मदाको पूजा गर्ने अवसर पनि पाउनेछन् ।–(यस लेखमा समावेश कुनै पनि जानकारी/सामग्री/गणनाको शुद्धता वा विश्वसनीयताको ग्यारेन्टी छैन) ।
