शिखर धवनले ५१ बलको सामना गर्दै ७१ रन बनाएर अविजित

काठमाडौं,मंसिर २० । भारतीय क्रिकेट टोलीका पूर्व ओपनर शिखर धवनको ब्याटले नेपाल प्रिमियर लिगमा उत्कृष्ट प्रदर्शन गरेको छ । आफ्नो पुरानो शैलीमा ब्याटिङ गर्दै उनले बलरको हावा निकाले छन् । उनले ५१ बलको सामना गर्दै अविजित ७१ रन बनाए । यस इनिङ्समा धवनले ४ चौका र ६ छक्का प्रहार गरे । गब्बर नेपाल प्रिमियर लिगमा कर्णाली याक्सबाट खेलिरहेका छन् । आज शिखर धवनको जन्मदिन पनि हो ।

डिसेम्बर ४ मा नेपाल प्रिमियर लिगको छैटौं खेल काठमाडौं गोर्खा र कर्णाली याक्सबीच भएको थियो । उक्त खेलमा काठमाडौंले टस जितेर पहिले बलिङ गर्ने निर्णय गरेको थियो । कर्णालीबाट शिखर धवन इनिङ ओपन गर्न आएका थिए । उनले आएसँगै पूरा २० ओभर ब्याटिङ गरेका थिए । यस इनिङ्समा गब्बरको स्ट्राइक रेट १४१.१७ थियो । निर्धारित २० ओभरमा शिखर धवनको टोलीले ७ विकेट गुमाएर १४९ रन बनाएर काठमाडौं गोर्खालाई १५० रनको लक्ष्य दिएको थियो । शिखर बाहेक अरु कुनै खेलाडीले ब्याटिङमा चमत्कार गर्न सकेनन् ।१५० रनको लक्ष्य काठमाडौं गोर्खाले ठूलो कठिनाईमा पछ्यायो । उनले ३ बल बाँकी रहँदै खेल जितेका थिए । उक्त खेलमा काठमाडौं ३ विकेटले विजयी भएको थियो ।

टोलीका लागि सुमित महाजनले सर्वाधिक ४० रन बनाए । उनी अन्तिमसम्म अपराजित रहे । कप्तान करण केसीले पनि २८ रनको द्रुत इनिङ खेले । गेर्हार्ड इरास्मसले ३८ रन बनाए । यसबाहेक कर्णाली याक्सका सोमपाल कामी, नन्दन यादव, गुलशन झा, जिशान मक्सुद र विपिन शर्माले १–१ विकेट लिए ।

शिखर धवनको अन्तर्राष्ट्रिय करियरमा हालै सन्यास लिएका शिखर धवनले आफ्नो करियरमा भारतका लागि ३४ टेस्ट, १६७ एकदिवसीय र ६८ टी–२० खेल खेलेका छन् । उनीहरुले क्रमशः १३५, ६७९३ र १७५९ रन बनाएका छन् ।