नई दिल्ली, भारत । विश्व स्वास्थ्य संगठनले जानकारी दिए अनुसार हालसम्म विश्वका ८९ देशमा ओमिक्रोन भेरियन्ट फेला परेको र कम्युनिटी ट्रान्समिसनका कारण १.५ देखि ३ दिनमा यसको केस दोब्बर हुँदै गएको छ । डब्लुएचओले सदस्य राष्ट्रहरुलाई दिएको प्राविधिक जानकारीमा ओमिक्रोन डेल्टा भन्दा धेरै छिटो फैलिरहेको प्रमाण रहेको बताएको छ ।
जनसंख्याको उच्च प्रतिरोधात्मक क्षमता भएका देशहरूमा ओमिक्रोन तिब्र गतिमा फैलिरहेको छ । यो पनि चिन्ताको विषय हो यद्यपी यो भाइरसमा रोग प्रतिरोधात्मक क्षमताबाट बच्ने क्षमता छ वा यसको संक्रामकता बढेको छ वा यि दुबै कारण यसको पछाडि रहेको हुनसक्छ भन्ने अझै स्पष्ट भइसकेको छैन ।
नोभेम्बर २६ मा ओमिक्रोनलाई भेरियन्ट अफ कन्सेन्ट स्टेटस दिएका थियौं । नयाँ संस्करण कत्तिको गम्भीर साबित हुन सक्छ डब्लुएचओले थाहा न भएको बताएको छ । हाल यस भेरियन्टको बारेमा धेरै कम डाटा उपलब्ध रहेको र त्यस अनुसार केहि भन्न गाह्रो भएको भन्दै ओमिक्रोनमा खोपको प्रभावको बारेमा समेत अहिले भन्न मुश्किल रहेको बताएको छ ।
ओमिक्रोन कोरोनाको अघिल्लो संस्करणजस्तो घातक नभएको बताएको छ । तर, यो जुन गतिमा फैलिरहेको छ, त्यसलाई हेर्दा मास्क, सेनिटाइजेसन र भीडबाट बच्ने जस्ता उपायहरू अवलम्बन गरिरहनुपर्छ विश्व स्वास्थ्य संगठनले एउटै मात्र राहतको कुरा बताएको छ । मोडेर्नाका प्रमुख मेडिकल अफिसर डा. पल बर्टनले ओमिक्रोन र डेल्टा स्ट्रेन मिलेर कसैलाई संक्रमित गरे कोरोनाको नयाँ सुपर भेरियन्ट बन्न सक्ने बताएका छन् । युकेमा डेल्टा र ओमिक्रोनको प्रकोप गतिले सुपर भेरियन्टको डर बढाएको छ । उनले दुई भाइरसले जीन आदानप्रदान र आदानप्रदान गर्न सक्ने बताएका छन् ।
सामान्यतया मानिसमा कोरोनाको एउटा मात्र उत्परिवर्ती स्ट्रेनबाट संक्रमित हुन्छ तर केही विशेष अवस्थामा एकै समयमा दुईवटा स्ट्रेनले बिरामीलाई संक्रमण गर्छ । यदि डेल्टा र ओमिक्रोन दुवैले कोशिकालाई संक्रमित गर्छन् भने, तिनीहरूले एक अर्कासँग डीएनए आदानप्रदान गर्न सक्छन् यी दुई मिले भने कोरोनाको नयाँ सुपर स्ट्रेन बन्न सक्ने डा. बर्टनको भनाई छ ।
पडोसी देश भारतमा लगातार २० दिनदेखि दैनिक १० हजारभन्दा कम कोरोनाका केस दर्ता भइरहेका छन् । तर, यसले जोखिम कम गर्दैन । नीति आयोगका सदस्य वीके पालका अनुसार यदि हामीले बेलायतमा ओमिक्रोनको संक्रमणको स्केललाई हेर्छौ र भारतको जनसंख्यासँग तुलना गर्छौ भने, यो संक्रमण फैलियो भने भारतमा दैनिक १४ लाखसम्म केसहरू हुनसक्छन भन्न सकिन्छ साथै हरेक केसको जीनोम सिक्वेन्सिङ गर्न नसकिने उनले बताएका छन् ।
Add Comment