पीटीआई, इस्लामाबाद । जेलमा रहेका पाकिस्तानका पूर्वप्रधानमन्त्री इमरान खानले देशको सर्वोच्च अदालतलाई निशाना बनाएका छन् । उनले आरोप लगाएका छन् कि पीएलएम–एन सुप्रिमो नवाज शरीफ दुई अम्पायरको समर्थनमा चुनाव लडिरहेका थिए र ती मध्ये एकले भर्खरै इमरान खानको पार्टीलाई चुनावी मैदानबाट हटाउन नो–बल संकेत गरेको थियो । सुप्रीम कोर्टले खानको पाकिस्तान तहरीक–ए–इन्साफ (पीटीआई) पार्टीलाई फेब्रअरी ८ को चुनाव अघि यसको प्रतिष्ठित क्रिकेट ब्याट चुनावी चिन्हबाट हटाउने सन्दर्भमा, खानले लण्डन योजनालाई आफ्नो पार्टीलाई किनारा गर्न दोष लगाएका छन् ।
समाचार एजेन्सी पीटीआईका अनुसार तोशाखाना भ्रष्टाचार मुद्दामा सुनुवाई पछि सोमबार रावलपिंडीको उच्च सुरक्षाको अदियाला जेलमा मिडियासँग कुरा गर्दै खानले भने तीन पटकका पूर्व प्रधानमन्त्री नवाज शरीफ सधैं आफ्नो इच्छा अनुसार काम गर्छन् । इमरान खानले सर्वोच्च अदालतको शनिबारको आदेशलाई उल्लेख गरे, जसमा उनको पार्टीलाई चुनाव चिन्ह ’ब्याट’बाट वञ्चित गरिएको थियो । उनका अनुसार अघिल्लो दिन एक अम्पायरले नो बल दिएका थिए । वास्तवमा, खानले पाकिस्तानी सेना र सर्वोच्च अदालतलाई दुई अम्पायरको रूपमा उल्लेख गरेका छन् जसले नवाज शरीफलाई कीर्तिमानी चौथो पटक प्रधानमन्त्री बनाउन चाहन्छन् ।
सर्वोच्च अदालतको तीन सदस्यीय प्यानलले पाकिस्तानको निर्वाचन आयोग (ईसीपी) को डिसेम्बर २२ को निर्णयलाई समर्थन ग¥यो जसले पारदर्शी अन्तर–पार्टी चुनावहरू गर्न असफल भएकोमा पीटीआई पार्टीलाई आफ्नो चुनाव चिन्हबाट वञ्चित गरेको थियो । खानले भने पीटीआईलाई किनारा गर्ने र पाकिस्तान मुस्लिम लीग–नवाज (पीएमएल–एन) सुप्रिमो शरीफलाई राहत प्रदान गर्ने हालका घटनाहरू चुनावको समयमा उनलाई जेलमा राख्न लण्डन योजनाको हिस्सा थिए ।
विवादमा फसेको, पीटीआईका शीर्ष नेता ब्यारिस्टर गौहर खानले सोमबार भने उनको पार्टीले क्रिकेट ब्याट चिन्ह बिना चुनाव लड्न बाध्य भए पनि फेब्रअरी ८ को चुनाव बहिष्कार गर्दैन । गोहरले भने, ‘हामी निर्वाचन बहिष्कार गर्दैनौं र भगवानले चाहेमा पूर्णरुपमा सहभागी हुनेछौं । उनले पीटीआई पार्टीले तीन दिनभित्र सम्बन्धित निर्वाचन चिन्हसहित समर्थित उम्मेदवारको सूची सार्वजनिक गर्ने बताए । ब्याट पीटीआईको परम्परागत चिन्ह हो र यो विश्वास गरिन्छ कि पार्टीलाई यसको प्रतिष्ठित चिन्हबाट वञ्चित गर्दा यसका उम्मेदवारहरूले फरक चिन्हमा चुनाव लड्न बाध्य हुनेछन् । यसले निर्वाचनको दिन दुर्गम क्षेत्रका पार्टी समर्थकहरूमा अन्योल सिर्जना गर्नेछ ।
Add Comment