’त्यसो भए हामी पनि छोड्दैनौं’ इरानलाई अमेरिकाले दियो खुला चेतावनी

नयाँ दिल्ली । इजरायल–हमास युद्धको बीचमा, इरानले शनिबार राति इजरायली भूमिमा मिसाइल प्रहार गरि आक्रमण गरेको छ । इजरायलले दावी गरे अनुसार इजरायल र अन्य देशहरूले ३०० भन्दा बढी क्रुज मिसाइल र ड्रोनहरू रोकेका छन् ।

इरानको यो आक्रमणपछि पश्चिमी देशहरूले इजरायललाई समर्थन गर्ने बताएका छन् । अमेरिका, बेलायत, फ्रान्सलगायत धेरै पश्चिमी देशले इरानको आक्रमणप्रति कडा आपत्ति जनाएका छन् । तर, अमेरिकाले हाल इरानसँग द्वन्द्व नचाहेको बताएको छ । यो आक्रमणपछि इजरायली प्रधानमन्त्रीले युद्ध मन्त्रिपरिषद्को बैठक बोलाएका छन् । अमेरिकी रक्षामन्त्री लोयड अस्टिनले अमेरिकाले इरानसँग द्वन्द्व नचाहेको तर आफ्नो सेनाको सुरक्षा र इजरायलको रक्षालाई समर्थन गर्न कदम चाल्न नहिचकिचाउने बताएका छन् । अमेरिकी रक्षामन्त्रीले राष्ट्रपति जो बाइडेनको निर्देशनमा अमेरिकी सेनाले इजरायलमाथि प्रहार गरिएका क्षेप्यास्त्रविरुद्ध कारबाही गरेको बताए । अमेरिका इजरायलको रक्षा र जनतालाई सहयोग गर्न प्रतिबद्ध छ ।

यसअघि अमेरिकी राष्ट्रपतिले पनि इरानको आक्रमणप्रति कडा प्रतिक्रिया दिएका थिए । यसै क्रममा उनले यस विषयमा आकस्मिक बैठक बोलाएका छन् । जो बाइडेनले तुरुन्तै जी–टी नेताहरूको बैठक बोलाएर थप स्थितिबारे छलफल गर्न र थप कारबाही गर्न बोलाएका छन् ।
बाइडेनले इजरायली प्रधानमन्त्री बेन्जामिन नेतान्याहुसँग फोनमा कुरा गरेका छन् । फोनमा उनले आज बिहानै, इरान र यमन, सिरिया र इराकका उनका सहानुभूतिकर्ताहरूले इजरायलका सैन्य प्रतिष्ठानहरूलाई लक्षित गरी अप्रत्याशित आक्रमण गरे । म यी आक्रमणको कडा शब्दमा निन्दा गर्दछु भनेका छन् ।