मुम्बईमा भारी वर्षाका कारण पानी जम्दा सामान्य जनजीवन प्रभावित

मुम्बई, महहाराष्ट्र । मुम्बईमा भारी वर्षाका कारण अन्धेरी क्षेत्रको एक अन्डरपासमा पानी जमेको छ, जसले गर्दा यसलाई यातायातका लागि बन्द गर्नुपरेको छ । बृहन्मुम्बई महानगरपालिका (बीएमसी) का अधिकारी ऋतिकले पानी जम्ने समस्या गम्भीर रहेको र कुनै अस्थायी समाधान नभेटिएको बताए ।

उनले भने हामीले यो गम्भीर जलमग्नताको कुनै अस्थायी समाधान खोज्न सकेका छैनौं । हाम्रा अधिकारीहरू यहाँ निरन्तर तैनाथ छन् ताकि कुनै पनि सवारी साधनले अन्डरपास पार गर्न नखोजोस् । ऋतिकले भने कि चेतावनीको बाबजुद पनि केही अटो चालकहरूले अन्डरपास पार गर्ने प्रयास गर्छन् । उनले भने, केही रिक्सा चालकहरूले अझै पनि आफ्ना सवारी साधनहरू बाहिर निकाल्ने प्रयास गर्छन् ।” अन्डरपासको बीचमा एउटा रिक्सा अड्किएको थियो । चालकको ज्यान खतरामा थियो । हाम्रा दुई अधिकारीहरूले उनलाई सकुशल बाहिर निकालेका छन ।

अर्का बीएमसी अधिकारी रोबर्टले भने अनुसार मानिसहरूको सुरक्षा सुनिश्चित गर्न हरसम्भव प्रयास भइरहेको छ । हामी कुनै पनि सवारी साधन अन्डरपासमा प्रवेश नगरोस् भनेर सुनिश्चित गर्न सक्दो प्रयास गरिरहेका छौं । हामी सकेसम्म धेरै मानिसहरूको सुरक्षा सुनिश्चित गर्न सक्दो प्रयास गरिरहेका छौं । भारी वर्षाका कारण मुम्बईका धेरै क्षेत्रहरूमा पानी जमेको छ, जसले गर्दा यातायात अवरुद्ध भएको छ ।