आईएएनएस, रावलकोट पाकिस्तान । पाकिस्तान–अधिकृत कश्मीर (POK) मा पाकिस्तान सरकारविरुद्धको विरोध प्रदर्शन निरन्तर तीव्र हुँदै गइरहेको छ । आन्दोलनको २४औँ दिनको अवसरमा बिहीबार रावालाकोटको ईदगाह मैदानमा करिब ८० हजार मानिसहरू भेला भएका थिए । प्रदर्शनकारीहरूले पाकिस्तान सरकारविरुद्ध नाराबाजी गरे र आफ्ना अधिकारका लागि गरिएका मागहरू दोहो¥याएका छन् । उक्त सभालाई सम्बोधन गर्दै जोइन्ट अवामी एक्सन कमिटी (JAAC) का प्रमुख सरदार अमन खानले पाकिस्तानी सेनामाथि गम्भीर आरोप लगाएका छन् ।
उनले बताए अनुसार काश्मिरीहरूलाई हतियार र गोलाबारूद उपलब्ध गराउने काम पाकिस्तानको सेनाले नै गरेको थियो, तर तिनै मानिसहरूले अहिले उनीहरूलाई आतंकवादीको संज्ञा दिइरहेका छन् ।
अमान खानले दाबी गरे कि फेब्रुअरी २०२५ मा रावालाकोटमा ’जैश–ए–मोहम्मद’ को एउटा ¥याली आयोजना गरिएको थियो, जसमा सहभागीहरूले खुलेआम एके–४७ र तरवारहरू बोकेका थिए । उनले आरोप लगाए कि त्यसबेला रावालाकोटको डेपुटी कमिस्नरले उक्त ¥यालीका लागि अनुमति मात्र दिएनन्, बरु सुरक्षा व्यवस्था पनि उपलब्ध गराएका थिए । उनले टिप्पणी गरे, “त्यतिबेला हतियारसहितका ¥यालीहरू आयोजना गरिएका थिए, र अहिले हामीलाई आतंकवादी भनिँदैछ । यस भूमिमा बसोबास गर्ने मानिसहरू नै यसका वास्तविक हकदार हुन् ।
आन्दोलनकारीहरूले आफ्नो आन्दोलन ३८ वटा मुख्य मागहरूमा केन्द्रित रहेको बताएका छन् । अमन खानले चेतावनी दिएका छन् कि यदि सरकारले यी मागहरू छिट्टै स्वीकार गरेन भने, आन्दोलन केवल सुधारको मागमा मात्र सीमित रहनेछैन, बरु पाकिस्तानबाट पूर्ण रूपमा अलग हुने मागसम्म पुग्न सक्छ ।
पीओके (पाकिस्तान–अधिकृत कश्मीर) मा चलिरहेको यस आन्दोलनले विदेशमा बसोबास गर्ने समुदायबाट पनि समर्थन पाइरहेको छ । विभिन्न देशहरूमा रहेका पाकिस्तानी दूतावासबाहिर विरोध प्रदर्शनहरू भएका छन्, जसले गर्दा यो आन्दोलन अन्तर्राष्ट्रिय मञ्चमा पनि चर्चाको विषय बनेको छ । यद्यपि, यी दाबी तथा आरोपहरूको स्वतन्त्र रूपमा पुष्टि भने भएको छैन । यी भनाइहरूबारे पाकिस्तान सरकारबाट तत्काल कुनै आधिकारिक प्रतिक्रिया आएको छैन ।
Add Comment