काठमाडौँ । मनाङको नार्फाभूमि गाउँपालिका–५ स्थित हिम्लुङ हिमालमा गएको हिमपहिरोमा परी बेपत्ता भएकामध्ये फेला परेका ८ वटा शवको उद्धार गरिएको छ।
आश्विन १५ गते गएको विनाशकारी हिमपहिरोपछि फेला परेका शवहरू उद्धार गर्ने क्रममा नेपाली सेनाले हवाई साधनमार्फत २ वटा शव चामे र ६ वटा शव फूगाउँसम्म ल्याएको हो।
हिमपहिरोमा परी बेपत्ता भएकाहरूको खोज तथा उद्धार कार्यलाई निरन्तरता दिइएको जनाइएको छ। उद्धार गरिएका शवलाई सम्बन्धित स्थानमा ल्याएर आवश्यक प्रक्रिया अघि बढाइँदैछ।
