हामी सन् २०२१ लाई बिदाइ गर्दै नयाँ वर्ष २०२२ मा प्रवेश गर्न लागेका छौं । सन् २०२१ मा बलिउडका धेरै दिग्गज कलाकारहरूले यस संसारलाई अलविदा भनेका छन् । दिलीप कुमार देखि सिद्धार्थ शुक्लासम्मका धेरै कलाकारलाई फिल्म उद्योगले गुमाएको छ ।
दिलीप कुमार
बलिउडका दिग्गज अभिनेता दिलीप कुमारले यो वर्ष संसारलाई बिदा गरेका छन् । उनी लामो समयदेखि बिरामी थिए । ९८ वर्षीय दिलीप कुमारलाई ३० जुनमा हिन्दुजा अस्पतालमा भर्ना गरिएको थियो । त्यसपछि उनले ७ जुलाई २०२१ मा अन्तिम सास फेरे । दिलिप कुमारको वास्तविक नाम मोहम्मद युसुफ खान थियो ।
अरविन्द त्रिवेदी
टेलिभिजनको चर्चित शो ‘रामायण’ मा लंकाधिपति रावणको भूमिका निर्वाह गरेका अभिनेता अरविन्द त्रिवेदीको हृदयघातका कारण असोज ५ गते राति निधन भएको हो । अरविन्द ८३ वर्षका थिए । अभिनयका अलावा अरविन्दले राजनीतिमा पनि हात हालेका छन् । १९९१ मा, अरविन्द त्रिवेदी भारतीय जनता पार्टीको सदस्यको रूपमा साबरकाथा निर्वाचन क्षेत्रबाट सांसदको रूपमा निर्वाचित भए र १९९६ सम्म यस पदमा रहे ।
पुनीत राजकुमार
कन्नड उद्योगका सुपरस्टार पुनीत राजकुमारको २९ अक्टोबरमा हृदयघातका कारण निधन भएको थियो । ४६ वर्षीय पुनीत राजकुमार अभिनेता राजकुमारका छोरा थिए । मायाले उनलाई फ्यानहरुले अप्पा भन्ने गर्थे । २९ भन्दा बढी कन्नड चलचित्र गर्ने पुनीत राजकुमारले आफ्नो करियर बाल कलाकारको रुपमा सुरु गरेका थिए । उनले उत्कृष्ट बाल कलाकारको अवार्ड पनि पाएका छन् ।
राजीव कपुर
राजीव कपूर फिल्म जगतका चर्चित अभिनेता, निर्देशक र निर्माता थिए । राजीव कपूरको ९ फेब्रुअरी २०२१ मा हृदयघातका कारण मृत्यु भयो । यसअघि उनका जेठा भाइ तथा चर्चित बलिउड कलाकार ऋषि कपूरको ३० अप्रिल २०२० मा निधन भएको थियो । राजीव कपूरले ‘राम तेरी गंगा मैली हो गई’ मा उत्कृष्ट अभिनय गरेका थिए ।
सिद्धार्थ शुक्ला
चर्चित अभिनेता सिद्धार्थ शुक्लाको २ सेप्टेम्बरमा अचानक हृदयघातका कारण निधन भएको थियो । रिपोर्टका अनुसार सिद्धार्थले आफ्नी रुमाली प्रेमिका शहनाज गिलको काखमा अन्तिम सास फेरेका थिए ।
सुरेखा सिकरी
टिभी सिरियल ‘बालिका वधू’ मा ‘दादी सा’ को भूमिकाबाट चर्चामा आएकी अभिनेत्री सुरेखा सिकरीको असार १६ गते हृदयघातका कारण निधन भएको थियो । ७५ वर्षीया सुरेखा सिकरीले धेरै टिभी सिरियल र फिल्ममा काम गरिसकेकी छिन् । सुरेखाले सन् १९७८ मा राजनीतिक नाटक फिल्म ‘किस्सा कुर्सी का’ बाट फिल्मी करियरको सुरुवात गरेकी थिइन् । यस फिल्मबाट सुरेखाले तीन पटक उत्कृष्ट सहअभिनेत्रीको राष्ट्रिय अवार्ड जितेकी थिइन् ।
राज कौशल
अभिनेत्री मन्दिरा बेदीका पति राज कौशलको ३० जुन २०२१ मा बिहान ४.३० बजे हृदयघातका कारण निधन भएको थियो । राज कौशलको अन्तिम संस्कार उनकी पत्नी मन्दिरा बेदीले गरिन् । राज बलिउडका चर्चित निर्देशक थिए ।
अनुपम श्याम
टिभी सिरियल ‘प्रतिज्ञा’ मा ठाकुर सज्जन सिंहको भूमिका निर्वाह गरेका चर्चित अभिनेता अनुपम श्यामको अगस्ट ९ मा बहुअंग फेलका कारण निधन भएको थियो । टिभी सिरियलका अलावा अनुपम श्यामले ’स्लमडग मिलियनेयर’, ’ब्यान्डिट क्वीन’, ’दस्तक’, ’दिल से’, ’लगान’, ’गोलमाल’ र ’मुन्ना माइकल’ जस्ता धेरै बलिउड फिल्महरूमा पनि काम गरेका थिए ।
विक्रमजीत कंवरपाल
बलिउडका चर्चित अभिनेता विक्रमजीत कंवरपालको कोरोना भाइरसका कारण मे १ मा निधन भएको छ । विक्रमजीतका पिता द्वारकानाथ कंवरपाल भारतीय सेनामा अफिसर थिए । विक्रमजीत कंवरपालले सन् १९८६ मा द लरेन्स स्कूल, सनावरबाट आफ्नो पढाइ पूरा गरे र आफ्ना बुबा जस्तै १९८९ मा भारतीय सेनामा भर्ना भएका एि । जहाँ उनले करिब १३ वर्षसम्म देशको सेवा गरे । यसपछि विक्रमजीत फिल्मी दुनियाँतिर लागे । उनी बाल्यकालदेखि नै अभिनेता बन्न चाहन्थे । उनले सन् २००३ मा अभिनयमा डेब्यु गरेका थिए ।
ब्रह्मा मिश्र
अभिनेता ब्रह्मा मिश्रको ३२ वर्षको उमेरमा निधन भएको छ । छाती दुखेको गुनासो गरेपछि ब्रह्मालाई २९ नोभेम्बर २०२१ मा घर पठाइएको थियो, तर घरमै हृदयघात भयो र उनको मृत्यु भयो । पीडादायी कुरा यो थियो कि उनको शव तीन दिनसम्म मुम्बईस्थित उनको घरको बाथरूममा परेको थियो । ब्रह्माले सन् २०१३ मा फिल्म चोर चोर सुपर चोरबाट बलिउडमा डेब्यु गरेका थिए । ‘मिर्जापुर’ बाहेक ब्रह्माले ‘केसरी’, ‘हसीन दिलरुबा’, ‘मांझी’, ‘बद्रीनाथ की दुल्हनिया’मा पनि काम गरेका थिए ।
