भरतीय क्रिकेटर ऋषभ पन्तको कार दुर्घटनाः बीसीसीआईका अनुसार – निधार, घुँडा र हात चोटीलो

रुड़की । २५ वर्षीय क्रिकेटर ऋषभ पन्त शुक्रबार बिहान सडक दुर्घटनामा जोगिएका छन् । प्रहरीका अनुसार निदाएका कारण दुर्घटना भएको हो । उनको मर्सिडीज नियन्त्रण बाहिर गएर डिभाइडरमा ठोक्किएपछि आगो लागेर पल्टिएको थियो । दुर्घटनापछि पन्त जलेको गाडीको झ्याल फुटाएर एक्लै बाहिर निस्किएका थिए । उनलाई बचाउन मानिसहरू पुगेपछि उनले भने– म ऋषभ पन्त हुँ । उनको टाउको, ढाड र खुट्टामा गहिरो चोट लागेको छ । चिकित्सकका अनुसार उनको अवस्था खतरामुक्त छ ।

उनलाई उपचारका लागि रुड़कीबाट देहरादुन लगिएको छ । उनको यहाँको म्याक्स अस्पतालमा उपचार भइरहेको छ । उनलाई चिकित्सकको टोलीले निगरानी गरिरहेको छ । आवश्यक परे उनलाई एयरलिफ्ट गरेर दिल्ली लैजाने बताइएको छ ।

बोर्ड सचिव जय शाहले पन्तको निधारमा दुई चोटि चोट लागेको बताए । घुँडाको लिगामेन्ट च्यातिएको छ । दाहिने नाडी र खुट्टामा पनि चोट लागेको छ । उनको चोटको गम्भीरता एमआरआईपछि थाहा हुनेछ । हामी चिकित्सा टोली र उनको परिवारसँग निरन्तर सम्पर्कमा छौं । हामी पन्तलाई यो कठिन समयमा सबै सम्भव चिकित्सा उपचार र सहयोग प्रदान गर्नेछौं ।