मुम्बई । आईपीएलको १२ औं खेलमा चेन्नई सुपर किंग्सले मुम्बई इन्डियन्सलाई ७ विकेटले पराजित गरेको छ । यो जितसँगै महेन्द्र सिंह धोनीको टोलीले रोहित शर्माको टोलीसँग अघिल्लो वर्ष पराजयको बदला लिएको छ । सन् २०२२ मा यी दुई टोलीबीच दुई खेल भएका थिए । पहिलो खेलमा चेन्नई र दोस्रो खेल मुम्बईले जितेको थियो । यस पटक धोनीको आर्मीले गोलको बराबरी गरेको थियो । चेन्नईका कप्तान महेन्द्र सिंह धोनीले टस जितेर बलिङ गर्ने निर्णय गरेका थिए । मुम्बईले २० ओभरमा आठ विकेट गुमाएर १५७ रन बनाएको थियो । जवाफमा चेन्नईले १८.१ ओभरमा तीन विकेट गुमाएर १५९ रन बनाएर खेल जित्यो ।
चेन्नईको तीन खेलमा लगातार दोस्रो जित । यसअघि उनले लखनउ सुपर जाइन्ट्सलाई पराजित गरेका थिए । पहिलो खेलमा गुजरात टाइटन्ससँग पराजित भएको थियो । अर्कोतर्फ मुम्बई इन्डियन्सको कुरा गर्ने हो भने यो सिजनमा उनको लगातार दोस्रो हार हो । पछिल्लो खेलमा रोयल च्यालेन्जर्स बैंग्लोरसँग पराजित भएको थियो ।
चेन्नईका रहाणेले २७ बलमा ६१ रन बनाए । उनले आफ्नो पारीमा सात चौका र तीन छक्का प्रहार गरे । उनले २२५.९३ को स्ट्राइक रेटमा रन बनाए । ऋतुराज गायकवाडले ३६ बलमा अविजित ४० रन बनाए । शिवम दुबेले २६ बलमा २८ र अम्बाती रायडुले १६ बलमा अविजित २० रन बनाए । डेभन कन्वेले खाता खोल्न सकेनन् । मुम्बईका लागि जेसन बेहरेनडोर्फ, पियुष चावला र कुमार कार्तिकेयले एक एक विकेट लिए ।
यसअघि मुम्बईका लागि इशान किशनले २१ बलमा ३२ रन बनाएका थिए । टिम डेभिडले २२ बलमा ३१ रनको योगदान दिए । तिलक वर्माले २२, कप्तान रोहित शर्माले २१, ऋतिक शोकिनले १८ रन र क्यामरुन ग्रीनले १२ रन बनाए । ट्रिस्टन स्टब्सले ५, अरशद खानले २ र सूर्यकुमार यादवले १ रन बनाएका थिए । पियुष चावलाले अविजित पाँच रन बनाए । टोलीका कुनै पनि ब्याट्सम्यानले अर्धशतक बनाउन सकेनन् ।
चेन्नईका लागि रविन्द्र जडेजाले सर्वाधिक विकेट लिए । उनले चार ओभरमा २० रन दिएर तीन विकेट लिए । मिचेल सान्टनर र तुषार देशपाण्डेले दुई–दुई सफलता हात पारे । सिसान्डा मगलाले एक विकेट लिइन् ।
Add Comment