टीम इन्डियाका ओपनर शुभमन गिल विश्वको नम्बर १ ओडीआई ब्याट्सम्यान बने भने सिराज ओडीआईका नम्बर १ बलर

नयाँ दिल्ली । विश्व नम्बर एक एकदिवसीय ब्याट्सम्यानको वरियतामा ठूलो परिवर्तन भएको छ । भारतका ओपनर शुभमन गिलले पाकिस्तानका कप्तान बाबर आजमलाई हराउँदै विश्व नम्बर १ ओडीआई ब्याट्सम्यानको स्थान हासिल गरेका छन् । जहाँ मोहम्मद सिराजले नम्बर १ ओडीआई बलरको ट्याग पाएका छन् । शाहिन अफ्रिदीले ठूलो क्षति बेहोरेका छन् । योसँगै बाबर आजमको ९५० दिनको शासन अब समाप्त भएको छ । शुभमन गिल आईसीसी एकदिवसीय वरीयतामा भारतका नम्बर १ ब्याट्सम्यान बन्ने सबैभन्दा कान्छा ब्याट्सम्यान बनेका छन् । यस मामिलामा उनले महान क्रिकेटर सचिन तेन्दुलकरलाई पनि पछाडि छोडेका छन् ।

योसँगै टीम इन्डियाका फास्ट बलर मोहम्मद सिराजले पनि पछिल्लो ओडीआई बलरको वरियतामा पहिलो स्थान हासिल गरेका छन् । सिराजले शाहीन शाह अफ्रिदीबाट नम्बर १ ओडीआई बलरको कुर्सी खोसेका छन् । यस विश्वकपमा भारतीय टोलीको अद्भूत प्रदर्शनपछि ब्याटिङ र बलिङ दुवै ओडिआई सूचीको शीर्ष स्थानमा परिवर्तन भएको छ ।

भारतीय टोलीका ओपनर शुभमन गिलले यस विश्वकपमा भारतलाई उत्कृष्ट सुरुवात गराए, जहाँ पाकिस्तानी टोलीका कप्तान बाबर आजमको ब्याटले खासै प्रदर्शन गर्न सकेन । जसका कारण बाबरलाई हराउँदै गिलले एकदिवसीय क्रिकेटको नम्बर १ ब्याट्सम्यान बन्न सफल भएका छन् । गिल सचिन तेन्दुलकर, एमएस धोनी र विराट कोहलीपछि एकदिवसीयमा नम्बर १ ब्याट्सम्यानको ट्याग कमाउने चौथो भारतीय खेलाडी बनेका छन् ।

गिलले यस मामिलामा महान क्रिकेटर सचिन तेन्दुलकरको कीर्तिमान तोडेका छन् ।सचिन तेन्दुलकरले २५ वर्षको उमेरमा आईसीसी एकदिवसीय वरीयतामा पहिलो स्थान हासिल गरेका थिए भने शुभमन गिलले २४ वर्षको उमेरमा यो उपलब्धि हासिल गरेका छन् । गिलले यसअघिका खेलमा श्रीलंकाविरुद्ध ९२ रन र दक्षिण अफ्रिकाविरुद्ध २३ रनको इनिङ खेलेका थिए भने यस प्रतियोगितामा अहिलेसम्म ७ खेलमा २१९ रन बनाएका छन् । योसँगै विराट कोहली आईसीसी एकदिवसीय ब्याट्सम्यानको वरीयतामा चौथो स्थानमा पुगेका छन् । श्रेयस अय्यर १८ औं स्थानमा पुगेका छन् । यस बाहेक मोहम्मद सिराजले यो विश्वकपमा अहिलेसम्म १० विकेट लिएर एकदिवसीय क्रिकेटको नम्बर १ बलरको ताज पुनः प्राप्त गरेका छन् भने कुलदीप यादवले तीन स्थानको उछाल गर्दै चौथो स्थानमा पुगेका छन् । जसप्रित बुमराह आठौं स्थानमा पुगेका छन् । जबकि मोहम्मद शामी १० औं स्थानमा छन् । मोहम्मद सिराजले ओडीआईका नम्बर १ बलर शाहिन अफ्रिदीलाई ठूलो झट्का दिएका छन् । शाहीन पहिलो नम्बरबाट सिधै पाँचौं स्थानमा झरेका छन् ।