नया दिल्ली । अन्तर्राष्ट्रिय क्रिकेट काउन्सिलले सन् २०२३ को उत्कृष्ट एकदिवसीय टोली घोषणा गरेको छ । आईसीसीले यो टोलीको कमान्ड रोहित शर्मालाई दिएको छ । योसँगै अष्ट्रेलियालाई विश्व च्याम्पियन बनाउने कप्तान प्याट कमिन्सले पनि प्लेइङ–११ मा स्थान पाउन सकेका छैनन् । यो टोलीमा भारतका ६ खेलाडी रहेका छन् । योसँगै अस्ट्रेलिया र दक्षिण अफ्रिकाका दुई–दुई खेलाडी छन् भने न्युजिल्यान्डका एक–एक खेलाडी छन् । सन् २०२३ को एकदिवसीय विश्वकपको फाइनल खेलेका आठ खेलाडी यस टोलीमा छन् । उपाधिका लागि भारत र अस्ट्रेलियाबीच खेल भएको थियो । प्लेइङ–११ मा पाकिस्तान, इंग्ल्याण्ड र श्रीलंका जस्ता ठूला टोलीका खेलाडी छैनन् ।
कप्तान रोहित बाहेक शुभमन गिल ओपनरको रुपमा यो टिममा परेका छन् । यी बाहेक मिडल अर्डरको जिम्मेवारी विराट कोहलीलाई दिइएको छ । योसँगै टीम इन्डियाका तीन बलर प्लेइङ–११ मा छन् । जसमा दुई फास्ट बलर र एक स्पिनर रहेका छन् । यो टोलीमा मोहम्मद सिराज र मोहम्मद शामी छन् भने कुलदीप यादवलाई पनि समावेश गरिएको छ । अष्ट्रेलियाका ट्राभिस हेड र एडम जाम्पा पनि प्लेइङ–११ मा छन् । टोलीमा दक्षिण अफ्रिकाका हेनरिक क्लासेन विकेटकिपर हुनेछन् र यसबाहेक मार्को जान्सनलाई पनि समावेश गरिएको छ । प्लेइङ–११ मा न्यूजिल्याण्डका डेरिल मिचेल पनि परेका छन् ।
आईसीसी सर्वश्रेष्ठ वनडे टीम २०२३
रोहित शर्मा (कप्तान), शुभमन गिल, ट्राभिस हेड, विराट कोहली, डेरिल मिचेल, हेनरिक क्लासेन, मार्को जान्सेन, एडम जाम्पा, मोहम्मद सिराज, कुलदीप यादव, मोहम्मद शामी ।
रोहित गत वर्ष उत्कृष्ट लयमा थिए । उनले ५२ को औसतमा १२५५ रन बनाएका थिए । यसैबीच, शुभमनका लागि विश्वकप केही खास नभए पनि गत वर्ष उनले यस फर्म्याटमा दोहोरो शतक बनाएका थिए । न्युजिल्याण्ड विरुद्ध उनले २०८ रनको इनिङ खेलेका थिए । शुभमन सन् २०२३ मा एकदिवसीय क्रिकेटमा सर्वाधिक रन बनाउने खेलाडी थिए । उनले १५८४ रन बनाएका थिए ।
गत वर्ष पनि विराटका लागि निकै राम्रो रह्यो । एकदिवसीयमा उनले १३७७ रन बनाए र शुभमनपछि दोस्रो स्थानमा रहे । गत वर्ष, कोहलीले ६ शतक बनाए र सचिन तेन्दुलकरको एकदिवसीयमा सबैभन्दा धेरै शतकको कीर्तिमान बराबर गरेका थिए । उनी विश्वकपको प्लेयर अफ द टुर्नामेन्ट चुनिएका पनि थिए । न्युजिल्याण्डका अनुभवी अलराउन्डर डेरिल मिचेल यस टोलीका लागि उत्कृष्ट प्रदर्शनकर्ता थिए । उनले गत वर्ष पाँच शतक बनाए र ५२.३४ को औसतमा प्रभावशाली रन बनाएका थिए । विश्वकपमा मिचेलले भारतविरुद्ध दुई खेलमा १३० र १३४ रन बनाएका थिए ।
हेनरिक क्लासेनले गत वर्ष आफ्नो आँधीबेहरीले सबैको मन जितेका थिए । सेन्चुरियनमा अस्ट्रेलिया विरुद्ध बनाएको १७४ रन सबैलाई अझै याद छ । ३२ वर्षीय क्लासेनले विकेट पछाडि पनि उत्कृष्ट काम गरे र उत्कृष्ट टोलीमा आफ्नो स्थान पक्का गरे । दक्षिण अफ्रिकाका मार्को यान्सेनले ब्याट र बल दुबैमा उत्कृष्ट प्रदर्शन गरेका छन् । गत वर्ष सेप्टेम्बरमा अस्ट्रेलियाविरुद्ध उनले धेरै रन बनाएका थिए भने पाँच विकेट पनि लिएका थिए । विश्वकपमा पनि उनको फर्म उत्कृष्ट थियो । एडम जाम्पाले गत वर्ष ३८ विकेट लिएका थिए जसका कारण उनी प्लेइङ–११ मा पुग्न सफल भएका थिए ।
भारतका सिराजले गत वर्ष ४४ विकेट लिएका थिए । एसिया कपको फाइनलमा श्रीलंकाको ब्याटिङलाई ध्वस्त पार्नुका साथै उनले विश्वकपमा श्रीलंकाको टोलीलाई पनि ध्वस्त पारेका थिए । सिराजले एसिया कपको फाइनलमा २१ रन दिएर ६ विकेट लिएका थिए । योसँगै कुलदीपले गत वर्ष भारतीय टोलीमा उत्कृष्ट पुनरागमन गर्दै ४९ विकेट लिएका थिए । एसिया कपमा कुलदीपले सुपर–फोरमा पाकिस्तानविरुद्ध २५ रन दिएर पाँच विकेट लिएका थिए र वर्षभरि नै टीम इन्डियाको धेरै महत्त्वपूर्ण जितमा योगदान पु¥याएका थिए । योसँगै मोहम्मद शामीले गत वर्ष चार पटक एक इनिङमा पाँच विकेट लिएका थिए । विश्वकपमा टोलीमा प्रवेश गरेदेखि नै उनले न्युजिल्यान्डविरुद्धको सेमिफाइनलमा ५७ रनमा सात विकेट लिएका थिए । भारतलाई विश्वकपको फाइनलमा पु¥याउन शमीको योगदान महत्वपूर्ण थियो ।
Add Comment