पोखरा विमानस्थलको ऋण अनुदानमा परिणत गर्न नेपालको चीनसँग कूटनीतिक पहल

काठमाडौं । प्रधानमन्त्री पुष्पकमल दाहालले पोखरा अन्तर्राष्ट्रिय विमानस्थलको ऋण अनुदानमा परिणत गर्न चीनसँग कूटनीतिक पहल थालिएको मङ्गलबार घोषणा गरेका छन् । उनले विमानस्थलबाट मुलुकले आम्दानी गर्न नसकेको भन्दै ऋण थपिएको बताए । प्रतिपक्षी सांसद चन्द चौधरीले बढ्दो घाटा र बढ्दो ऋणबारे प्रश्न उठाएपछि नेपालका प्रधानमन्त्रीले ऋणलाई अनुदानमा परिणत गर्न वार्ता भइरहेको बताएपछि यस्तो भएको हो । पोखरा अन्तर्राष्ट्रिय विमानस्थलबाट उडान सञ्चालनका लागि सार्वजनिक–निजी क्षेत्रको सहकार्य अध्ययन गर्न समिति गठन भइसकेको छ ।

समितिले तयार पारेको प्रतिवेदनका आधारमा विमानस्थल सञ्चालनका लागि आवश्यक तयारी गरिने उनले बताए । प्रधानमन्त्री दाहालले आवश्यक सबै आर्थिक व्यवस्थापनका लागि समन्वय गरिने बताएका छन् ।