९२ वर्षको उमेरमा प्रसिद्ध गायिका आशा भोसलेको निधन : सम्पूर्ण देश शोकमग्न

मुम्बई । प्रसिद्ध गायिका आशा भोसलेलाई अप्रिल ११, शनिबार मुम्बईको ब्रीच क्यान्डी अस्पतालमा भर्ना गरिएको थियो जहाँ उनको निधन भएको छ । उनको परिवारले यो खबरको पुष्टि गरेको छ । उनकी नातिनी जनाईले एक दिन अघि स्वास्थ्य अपडेट साझा गरेकी थिइन् । आशा भोसलेको स्वास्थ्य स्थिति उनको परिवारले घोषणा गरेको हो । उनी ९२ वर्षकी थिइन् । लामो र प्यारो जीवन बिताएपछि आशा ताईको निधन भएको छ । यो खबर फैलिने बित्तिकै देशभर शोकको लहर छाएको छ ।

आशा भोसले भारतीय संगीत इतिहासकी सबैभन्दा प्रसिद्ध र बहुमुखी गायिका हुन् । सात दशकभन्दा बढीको करियरमा, उनले असंख्य भाषा र विधामा हजारौं गीतहरू रेकर्ड गरेकी छिन् । उनले आर.डी. बर्मन जस्ता दिग्गज संगीतकारहरूसँग मिलेर धेरै सदाबहार हिट गीतहरू सिर्जना गरेकी थिइन् ।

आशा भोसलेले आफ्नो पहिलो गीत मराठी फिल्म “माझा बल“ (१९४३) मा गाइन् । उनले बलिउड फिल्म ‘चुनरिया’ (१९४८) मा ‘सावन आया’ गाएकी थिइन् । उनले गायन मात्रै गरेनन्, तर अभिनयमा पनि प्रयास गरेकि थिईन २०१३ मा, आशा भोसले “माई“ भन्ने मराठी फिल्ममा देखा परेकि थिईन ।

आशा भोस्ले एक प्रतिभाशाली गायिका मात्र नभई एक उत्कृष्ट कुक पनि हुन् । दुबई र कुवेतका धेरै रेस्टुरेन्टहरूको नाम उनको नाममा राखिएको छ । हिन्दी बाहेक, उनले कुल २० भारतीय र विदेशी भाषाहरूमा गीत गाएका छन् । २००६ मा, आशा भोस्लेले आफैंले भनेकी थिइन् कि उनले १२,००० गीतहरू गाइसकेकि छिन् ।

आशा भोस्लेले शंकर–जयकिशन, सचिन देव बर्मन, आरडी बर्मन, ओपी नय्यर, इलैयाराजा, बप्पी लाहिरी, र एआर लगायत धेरै प्रसिद्ध बलिउड संगीतकारहरूसँग काम गरिसकेकी छिन् ।

आशा भोस्लेले आफ्नो करियरभरि धेरै पुरस्कारहरू प्राप्त गरेकी छिन् । यसमा सर्वश्रेष्ठ गायिकाको लागि सात फिल्मफेयर पुरस्कार र एक लाइफटाइम अचिभमेन्ट पुरस्कार समावेश छ । उनलाई २००० मा दादासाहेब फाल्के पुरस्कार र २००८ मा पद्मविभूषण जस्ता प्रतिष्ठित पुरस्कारहरूले पनि सम्मानित गरिएको छ ।