काठमाडौं । राष्ट्रिय स्वतन्त्र पार्टी, सर्लाही जिल्ला हरिवन नगरका पूर्व सभापति रामहरि न्यौपाने सो पार्टी परित्याग गरि नेपाली कांग्रेसमा प्रवेश गरेका छन् । नेपाली कांग्रेसका सभापति गगन थापाले सनिवार पार्टी मुख्यालय सानेपामा आयोजित एक कार्यक्रममा उनलाई रातो टीका लगाएर पार्टी प्रवेश गराएका हुन् ।
न्यौपानेले राष्ट्रिय स्वतन्त्र पार्टी परित्याग गरी लोकतान्त्रिक काङ्ग्रेस पार्टी प्रवेश गर्नपाएकोमा आफू निकै हर्षित भएको बताए । मुलुक यतिवेला निकै अप्ठ्यारो अवस्थावाट गुज्रिरहेकोले मुलुकलाई सहि निकास लागि युवा नेतृत्वमा काङ्ग्रेस पार्टी अगाडि वढेकोले नेपालको सवैभन्दा पुरानो लोकतान्त्रिक पार्टी नेपाली काङ्ग्रेस नै भएकोले आफू काङ्ग्रेस पार्टी प्रवेश गरेर जनताको सेवाममा लाग्ने प्रतिवद्धता गरेका छन् ।
उक्त पार्टी प्रवेश कार्यक्रमा कांग्रेस केन्द्रीय सदस्य उज्वल बराल, नेता बजरङ्ग नेपाली, विनोद खनाल, सर्लाही कांग्रेसका नेता पुण्य प्रसाद घिमिरे, रमेश भट्टराई, राजेन्द्र भट्टराई, वेदनिधि उप्रेती, पवित्रा न्यौपाने लगायतको उपस्थिति रहेको थियो।
सर्लाही क्षेत्र नम्बर ३ का सभापति समेत रहेका नेता पुण्य प्रसाद घिमिरेले भने, “हालै सम्पन्न संसदीय चुनावमा राष्ट्रिय स्वतन्त्र पार्टीका उम्मेदवारलाई जिताउन न्यौपानेले विशेष भूमिका निर्वाह गरेका थिए। त्यस्ता प्रभावशाली नेताको पार्टी प्रवेशबाट समग्र सर्लाहीको काँग्रेस संगठनमा बल पुग्ने आशा गर्न सकिन्छ।” “नेपाल राष्ट्र बैंकको उच्च तहमा रहेर कुशल क्षमता प्रदर्शन गरिसकेका न्यौपानेको पार्टी प्रवेशबाट हामी स्थानीय काँग्रेस नेता कार्यकर्ताहरु थप उत्साहित भएका छौं” घिमिरेले थपे।
न्यौपाने केही वर्ष अघि काँग्रेस छोडेर रास्वपाको हरिवन नगर सभापति चुनिएका थिए । निर्वाचन पश्चात नौपाने उक्त रास्वपा पार्टीमा निष्क्रिय हुँदै आएका पछिल्लो समय सर्लाहि कांग्रेससँग नजिकिँदै जाँदा उनी काठमाडौंमै आएर पार्टि केन्द्रीय कार्यालयमै पुगेर एक कार्यक्रम विच सभापति गगन कुमार थापाकै हातबाट टीका खादा लगाएर पुनस् आफ्नै घर फर्केका छन् ।
Add Comment