काठमाडौं । कान्तिलोकपथअन्तर्गत भट्टेडाँडा–माल्टा सडकखण्डमा पहिरो खस्दा सडक पूर्णरूपमा अवरुद्ध भएको छ।
भट्टेडाँडा–माल्टा क्षेत्रमा पहिरो खसेपछि सडकमा सवारीसाधन आवतजावत ठप्प भएको हो। पहिरोका कारण उक्त सडकखण्ड हुँदै यात्रा गर्ने यात्रु तथा सवारीसाधन प्रभावित भएका छन्।
सडकमा खसेको पहिरो पन्छाएर यातायात सञ्चालनमा ल्याउने प्रयास भइरहेको जनाइएको छ। पहिरोका कारण सडक थप जोखिमपूर्ण हुन सक्ने भएकाले यात्रुले अवस्था बुझेर मात्र यात्रा गर्न आवश्यक देखिएको छ।
अवरुद्ध सडक खुलाउन सम्बन्धित निकायबाट आवश्यक पहल भइरहेको छ।
