काठमाडौं । पछिल्लो १२ घण्टामा देशका विभिन्न स्थानमा भारी वर्षा भएको छ। वर्षा मापनअनुसार चितवनको माडी कल्याणपुरमा सबैभन्दा धेरै १९८.८ मिलिमिटर वर्षा भएको छ।
त्यस्तै, चितवनकै मेघौलीमा १८७.६ मिलिमिटर वर्षा मापन गरिएको छ। नवलपरासीको दुम्कौली र तनहुँको कोटागाउँमा समान १७२.४ मिलिमिटर वर्षा भएको छ।
नवलपरासीको त्रिवेणीमा १५८.६ मिलिमिटर, तनहुँको अत्रौलीटारमा १५६.२ मिलिमिटर, नवलपरासीको बर्दघाटमा १४५ मिलिमिटर र स्याङ्जाको पञ्चमूलमा १४४ मिलिमिटर वर्षा भएको छ।
पछिल्लो १२ घण्टाको विवरणअनुसार सबैभन्दा बढी वर्षा भएका स्थानहरूमा चितवन, नवलपरासी, तनहुँ र स्याङ्जाका क्षेत्रहरू रहेका छन्।
भारी वर्षाका कारण नदी तथा खोलानालामा पानीको बहाव बढ्न सक्ने भएकाले वर्षा प्रभावित तथा तटीय क्षेत्रमा आवश्यक सतर्कता अपनाउनुपर्ने देखिएको छ।
