मकवानपुर । मकवानपुरको हेटौँडा उपमहानगरपालिका–१ स्थित तिरतिरे धारा नजिकबाट पेस्तोल र गोलीसहित दुई जना पक्राउ परेका छन्।
सशस्त्र प्रहरी बल, नेपाल नं. १४ गण र एपीएफ इन्टेलिजेन्स ब्युरोको संयुक्त टोलीले विशेष सूचनाका आधारमा २०८३ कात्तिक २८ गते एउटा अटो जाँच गर्ने क्रममा उनीहरूलाई नियन्त्रणमा लिएको हो।
पक्राउ पर्नेमा मनहरी गाउँपालिका–६, नयाँबस्तीका २७ वर्षीय सुनबहादुर तामाङ र २२ वर्षीय विश्वराज तामाङ रहेका छन्। उनीहरूको साथबाट ७.६५ एमएमको गोली लाग्ने एक थान स्वचालित चाइनिज पेस्तोल, एक थान म्यागजिन, एक राउन्ड गोली र तीन थान मोबाइल बरामद गरिएको सशस्त्र प्रहरीले जनाएको छ।
पेस्तोल तथा अन्य सामग्रीसहित अटोसमेत नियन्त्रणमा लिइएका दुवै जनालाई आवश्यक कारबाहीका लागि सम्बन्धित निकायमा बुझाउने प्रक्रिया अघि बढाइएको छ।
