चीनमा फेरि कोरोनाको कहर, सान्यामा ८० हजार पर्यटक अलपत्र हवाई र रेल सेवा बन्द!

बेइजिङ । कोरोनाको नयाँ संस्करण र थप संक्रमित भेटिएपछि चीन सरकारले अधिकांश सहरमा रेल टिकट बिक्री पनि रोकेको छ । चिनियाँ सरकारले जनतालाई निर्देशन पालना गर्न अपिल गरेको छ । चीन फेरि कोरोनाको चपेटामा परेको छ । विभिन्न सहरमा भाइरस फैलिरहेको छ । हाल बिरामीको संख्या बढ्दै गएपछि सरकारले चीनको सान्या सहरमा लकडाउन घोषणा गरेको हो । तर लकडाउनका कारण ८० हजारभन्दा बढी पर्यटक सहरमै अलपत्र परेका छन् । कसैलाई पनि बाहिर निस्कन दिइँएको छैन । प्रशासनले सहयोग नगरेको पर्यटकको गुनासो छ । उनीहरु निकै समस्यामा परेका छन् । आइतबार सान्या सहरमा ४८३ कोरोना संक्रमित भेटिएका छन् । एकै दिन यति धेरै बिरामी आएपछि प्रशासनले पूरै सहरमा लकडाउन गर्ने निर्णय गरेको छ ।

पर्यटकको हकमा ७ दिनमा ५ वटा पिसिआर रिपोर्ट नेगेटिभ आए पर्यटकलाई यहाँबाट जान पाउने प्रशासनले निर्णय गरेको छ । यसबाहेक सहरका सबै होटललाई लकडाउनसम्म पर्यटकलाई ५० प्रतिशत छुट दिने बताइएको छ । शनिबार बिहानैदेखि सान्या सहरमा सार्वजनिक यातायातमा रोक लगाइएको छ भने मानिसको आवतजावतमा पनि रोक लगाइएको छ । सान्या सहरको जनसङ्ख्या १० लाखभन्दा बढी छ । देशको दक्षिणी तटमा अवस्थित हाइनान प्रान्तको राजधानी सान्या पर्यटकीय स्थल हो । यसैबीच सान्यामा हवाई टिकटको मूल्य अचानक बढ्न थालेको छ । सहरमा फसेका सबै जनता यहाँबाट कसरी बाहिर निस्कने भन्ने तनावमा छन् ।

चीन सरकारले कोरोना निर्मूल गर्न लामो समयदेखि मेहनत गरिरहेको छ । तर उनको सबै कठोरता पछि पनि कोरोना बढिरहेको छ । चीनको शून्य कोभिड नीति पनि सफल भएको देखिँदैन । एक रिपोर्टका अनुसार यसपटक आउने अधिकांश कोरोना केसमा बीए ५.१.३ भेरियन्ट पुष्टि भइरहेका छन् । यो भेरियन्ट देशमा पहिलो पटक देखा परेको छ । यो भाइरस धेरै छिटो फैलिन्छ । कोरोनाको नयाँ भेरियन्ट र थप केस आएपछि चीन सरकारले अधिकांश सहरमा रेल टिकट बिक्री पनि रोकेको छ । चिनियाँ सरकारले जनतालाई निर्देशन पालना गर्न अपिल गरेको छ । तब मात्र कोरोनाबाट मुक्ति पाउन सकिन्छ । चीन सरकारले अवस्था गम्भीर रहेको बताएको छ । तर, उनीहरुले कोरोना नियन्त्रणका लागि सक्दो प्रयास गरिरहेका छन् ।