एस्ट्राजेनेकाको कोभिड भ्याक्सिनको सुरक्षालाई लिएर ठूलो खुलासा : भ्याक्सिनको परीक्षणमा संलग्नलाई खतरनाक साइड इफेक्ट

वासिङ्टन । हालै बेलायती औषधि कम्पनी एस्ट्राजेनेकाको कोभिड भ्याक्सिनको सुरक्षालाई लिएर ठूलो खुलासा भएको छ । यस खुलासामा, कम्पनीले स्वीकार गरेको थियो कि एस्ट्राजेनेका भ्याक्सिनले दुर्लभ अवस्थामा रगत जम्न सक्छ । यी चिन्ताहरू बीच एक नयाँ दाबी देखा परेको छ । एस्ट्राजेनेकाको कोभिड भ्याक्सिन क्लिनिकल ट्रायलका क्रममा लिएपछि ४२ वर्षीया अमेरिकी महिलाले आफू स्थायी रूपमा अशक्त भएको दाबी गरेकी छन् । उनी भन्छिन् साइड इफेक्टको अनुभव गरेपछि उनलाई चिकित्सा हेरचाह गर्न अस्वीकार गरियो, जसले उनलाई अशक्त बनायो ।

उटाहकी ४२ वर्षीया पूर्व शिक्षिका ब्रायन ड्रेसेनले २०२० मा भ्याक्सिनको परीक्षणमा भाग लिएपछि आफूलाई गम्भीर न्यूरोलोजिकल अवस्था भएको दाबी गरेकी छन् । उनले एस्ट्राजेनेकालाई करार उल्लङ्घन गरेको आरोपमा मुद्दा हाल्दैछिन् । टेलिग्राफ रिपोर्टका अनुसार उनी भन्छिन् कम्पनीले उनको साइड इफेक्टको लागि चिकित्सा हेरचाह प्रदान गरेन । यो अमेरिकामा यस प्रकारको पहिलो घटना भएको मानिन्छ ।
मिडिया रिपोर्टका अनुसार नोभेम्बर २०२० मा भ्याक्सिन पाएलगत्तै उनले आफ्नो शरीरमा सुईको गहिरो चोट महसुस गरेकि थिईन् । पछि उनलाई परिधीय न्यूरोपैथी भएको पत्ता लाग्यो । उनको अवस्था पोष्ट भ्याक्सिन न्यूरोपैथीको रूपमा वर्गीकृत गरिएको थियो । पोष्ट–भ्याक्सिन न्युरोप्याथी एउटा दुर्लभ अवस्था हो जहाँ खोप लगाएपछि स्नायु क्षति हुन्छ, जसले दुखाइ, झनझन, सुन्न वा मांसपेशी कमजोरी जस्ता लक्षणहरू निम्त्याउँछ । यो भ्याक्सिन लिँदा हुने प्रतिरक्षा प्रतिक्रियाको परिणाम हो भन्ने विश्वास गरिन्छ ।

ब्रायन ड्रेसेनले भनिन, ‘यस कारणले गर्दा मैले जागिर गुमाएँ । म अझै स्थायी रूपमा असक्षम भएकि छु । म अझै पनि मेरो टाउकोदेखि खुट्टासम्म, दिनको २४ घण्टा हरेक दिन मेरो शरीरभरि काँटेको महसुस गर्छु । म भयानक सपनाहरू देख्छु । यसअघि एस्ट्राजेनेकाले बेलायती अदालतमा यो भ्याक्सिनले टीटीएस वा थ्रोम्बोसिस थ्रोम्बोसाइटोपेनिया सिन्ड्रोम हुनसक्ने स्वीकार गरेको थियो । यसको केसहरू धेरै दुर्लभ छन् । यसमा रगत जमेको हुन्छ । लक्षण सामान्यतया खोप लगाएको दुई हप्ता भित्र देखा पर्दछ ।