विविध

लायन वर्ष २०२५/२६का लागि डिष्ट्रिक्ट गभर्नरमा लायन केशरबहादुर भण्डारी, प्रथम भाईस डिष्ट्रिक्ट गभर्नरमा खनाल, दोस्रो भाइस डिष्ट्रिक्ट गभर्नरमा सापकोटा र आईडिईमा लायन शम्भु घिमिरे निर्वाचित

काठमाडौं । लायन्स अन्तर्राष्ट्रिय मल्टिपल ३२५, डिष्ट्रिक्ट ३२५ एफ नेपालको महाधिवेशन दिव्य शताब्दी पुरुष डा. गौरीशंकर लाल दासको प्रमुख आतिथ्यतामा सम्पन्न भएको छ । उक्त कन्भेन्शनबाट आगामी लायन वर्ष  २०२५/२६को लागि डिष्ट्रिक्ट गभर्नर पदमा लायन केशरबहादुर भण्डारी, प्रथम भाईस डिष्ट्रिक्ट गभर्नर पदमा लायन अजयप्रसाद खनाल, दोस्रो भाइस डिष्ट्रिक्ट गभर्नर पदमा लायन मनोज कुमार सापकोटा र इन्टरनेशनल डाइरेक्टर इन्डोसीमा लायन शम्भु घिमिरे निर्वाचित भएका छन् ।

यसैगरी निर्वाचित गभर्नर भण्डारीले क्याबिनेट सेक्रेटरीमा लायन इन्द्रबहादुर कार्की, क्याबिनेट ट्रेजरर लायन डा. सुभाष घिमिरे, ग्रेट कोअर्डिनेटरमा लायन भरत प्रसाई, जीएलटी कोअर्डिनेटरमा लायन प्रधुम्न कुमार पोखरेल मनोनित भएका छन् । यसैगरी लायन चक्रपाणि दाहाललाई जीएमटी कोअर्डिनेटर, लायन वसन्त थापालाई जीएसटी कोअर्डिनेटर र एलसीआइएफमा लायन ध्रुबबहादुर कार्कीलाई मनोनित गरिएको छ ।

डिष्ट्रिक्ट गभर्नर लायन शंकर सारदाको सभापतित्वमा सम्पन्न कन्भेन्सनको अतिथिको रुपमामा पीआइडी लायन संजय खेतान, गेट एरिया लिडर लायन खगेन्द्र सिटौला, काउन्सिल चेयरपर्सन लायन रमेश लामा, पूर्व काउन्सिल चेयरपर्सन लायन डि.आर खनाल, आईपीडीजी शविकुमार कटवाल, पीडीजी राजेन्द्र गिरी, मधुकर कुमार उपाध्याय, शोभा जोशि, लायन दिनेश प्रश्साद श्रेष्ठ लगायत लायन्सका विभिन्न अग्रज लिडरहरुका साथै वरिष्ठ गायक प्रेमराजा महतको उपस्थिति रहेको उक्त कार्यक्रमको सञ्चालन क्यविनेट सेक्रेटरी लायन प्रनिता शर्मा वरालले गरेकि थिईन ।
सम्पन्न उक्त कन्भेन्सनमा प्रमुख अतिथिडा. दास र क्याप्टेन विजय लामालाई सम्मान गरिएको थियो ।