काठमाडौं । भारतका केन्द्रीय शिक्षा मन्त्री धर्मेन्द्र प्रधानले NEET-UG प्रश्नपत्र लिक विवादलाई लिएर देशभर चर्किएको विद्यार्थी आन्दोलन र बढ्दो राजनीतिक दबाबबीच आफ्नो पदबाट राजीनामा दिएका छन्। यो प्रधानमन्त्री नरेन्द्र मोदी नेतृत्वको सरकारमा सार्वजनिक दबाबपछि मन्त्रीले पद छाडेको दुर्लभ घटनामध्ये एक मानिएको छ।
धर्मेन्द्र प्रधानको राजीनामा आन्दोलनरत विद्यार्थी र कक्रोच जनता पार्टी (CJP) को प्रमुख मागमध्ये एक थियो। सरकारसँग भएको वार्तापछि उनको राजीनामा स्वीकार गरिएको र त्यससँगै आन्दोलन स्थगित गरिएको जनाइएको छ।
प्रधानको स्थानमा केन्द्रीय मन्त्री प्रल्हाद जोशीलाई शिक्षा मन्त्रालयको अतिरिक्त जिम्मेवारी दिइएको छ। सरकारका अनुसार शिक्षा प्रणालीलाई व्यवस्थित बनाउन आवश्यक सुधारका प्रक्रिया अघि बढाइनेछ।
राजीनामा पत्रमा धर्मेन्द्र प्रधानले विद्यार्थीको भविष्यलाई केन्द्रमा राख्दै आफूले जिम्मेवारी स्वीकार गरेर पद त्यागेको उल्लेख गरेका छन्। उनले शिक्षा सुधारप्रतिको आफ्नो प्रतिबद्धता कायम रहने विश्वास व्यक्त गरेका छन्।
Add Comment