काठमाडौं । मोरक्कोबाट करिब ६० हजार आप्रवासी स्पेनको उत्तर अफ्रिकी सहर स्युटा (Ceuta) प्रवेश गरेपछि उत्पन्न अव्यवस्थामा कम्तीमा ५७ जनाको मृत्यु भएको छ। घटनापछि स्पेनले यसलाई आफ्नो भौगोलिक अखण्डतामाथिको चुनौती भन्दै सुरक्षा व्यवस्था कडा बनाएको छ।
स्पेनका प्रधानमन्त्री पेड्रो सान्चेजले मानव तस्करीमा संलग्न गिरोहले सर्वोच्च अदालतको पछिल्लो निर्णयको गलत प्रचार गरेर हजारौं मानिसलाई सीमा पार गर्न उक्साएको आरोप लगाएका छन्।
घटनापछि इटालीले स्पेनसँगको सेन्जेन (Schengen) व्यवस्था अस्थायी रूपमा निलम्बन गर्दै हवाई यात्रुहरूमा थप सुरक्षा जाँच सुरु गरेको छ। युरोपेली संघका अन्य केही देशले पनि स्पेनलाई सीमा सुरक्षा अझ कडा बनाउन आग्रह गरेका छन्।
स्पेनी अधिकारीहरूका अनुसार हालसम्म ४८ हजारभन्दा बढी आप्रवासी स्वेच्छाले मोरक्को फर्किसकेका छन्। स्युटामा पुगेकामध्ये अधिकांश युवा भए पनि महिला, बालबालिका र शिशुसमेत रहेका छन्। करिब ७ हजार बालबालिका सीमा पार गरेको अनुमान गरिएको छ।
स्थिति नियन्त्रणमा लिन स्पेनले स्युटा र मेलिलामा अतिरिक्त सुरक्षा फौज परिचालन गरेको छ भने मोरक्कोले पनि अवैध रूपमा प्रवेश गरेका व्यक्तिलाई फिर्ता लैजान सहकार्य गरिरहेको जनाएको छ।
Add Comment