पहिलो पटक उत्तर कोरियाका तानाशाहकी छोरी विश्वसामु, बुवा किम जोङ उनसँग मिसाइल प्रक्षेपण हेर्न देखा परिन्

नयाँ दिल्ली । उत्तर कोरियाका तानाशाह किम जोङ उनकी छोरी पहिलो पटक विश्वसामु देखा परेकी छन् । शनिबार कोरियाको सबैभन्दा ठूलो ब्यालेस्टिक मिसाइल प्रक्षेपणमा किम जोङ उन आफ्नी छोरीसँग देखिएका थिए । यस क्रममा किम जोङ उन १२ वर्षीया छोरीको हात समातेको देखिए । किम जोङ उन आफ्नी छोरीसँग खुलेर संसारको अगाडि आएको यो पहिलो पटक हो । यद्यपि उनकी छोरीको बारेमा अन्य जानकारी भने खुलेको छैन । यसमा न त उनले खुलाएका छन् न त विस्तृत विवरण नै खुलाएका छन् । यो तस्बिर त्यतिबेलाको हो जब दुबै जना ह्वासोङ–१७ आईसीबी मिसाइलको निरीक्षण गर्न पुगेका थिए ।

किम जोङ उनकी छोरी १२ देखि १३ वर्षको हुन सक्ने अनुमान गरिएको छ । मिसाइल प्रक्षेपण जानकारी अनुसार किमकी छोरीको उपस्थितिको बारेमा कसैलाई पूर्व जानकारी थिएन । सार्वजनिक भएको तस्विरमा किम जोङ उन सेतो कोटमा बुबासँग हात मिलाउँदै गरेको देखिन्छ । अमेरिकाको स्टिम्सन सेन्टरका उत्तर कोरियाली नेतृत्व विशेषज्ञ माइकल म्याडेनले भने मानिसहरूले किम जोङ उनकी छोरीलाई सार्वजनिक कार्यक्रममा देखेको यो पहिलो पटक हो । यो निकै विशेष भएको उनले बताए । विज्ञहरूका अनुसार किमका तीन सन्तान दुई छोरी र एक छोरा छन् ।