चीनमा मुस्लिम युवतीसँग चिनियाँ युवाको जबरजस्ती विवाह, विरोध गर्ने बाबुलाई जेल, बिहे बापत साढे चार लाख 

बेइजिङ/वाशिंगटन । चीनले सिनजियाङ प्रान्तमा उइगर मुस्लिमको विरोधलाई दबाउन ठूलो बाजी खेलिरहेको छ । यहाँ उइगर मुस्लिम जनसंख्याको पहिचान मेटाउन उइगर युवतीहरूलाई चिनियाँ युवाहरूसँग जबरजस्ती विवाह गराइन्छ । चीनको हान समुदायका युवालाई विवाहका लागि विशेष भत्ता दिइँदै आएको छ । वाशिंगटनको उइगर मानव अधिकार परियोजना (यूएचआरपी) का अनुसार यदि कुनै उइगर केटीले जबरजस्ती विवाहको विरोध गर्छ भने उनका आमाबाबुलाई जेल हालिन्छ ।

उइगर मानव अधिकार परियोजना (यूएचआरपी) का अनुसार कुनै पनि उइगर केटीले हान केटासँग विवाहको विरोध गर्न सक्दैन । जिनपिङ तेस्रो पटक कम्युनिष्ट पार्टीको महासचिवमा निर्वाचित भएपछि मात्रै सिनजियाङ प्रान्तमा सय हान युवा र उइगर युवतीको विवाह भएको छ । यी विवाहहरू कम्युनिस्ट अधिकारीहरूको उपस्थितिमा हुन्छन् । एक हान केटालाई उइगर युवतीसँग विवाह गर्न करिब ४.५ लाख रुपैयाँ दिइन्छ । यस प्रकारको अन्तरजातीय विवाहका लागि दम्पतीहरूलाई निःशुल्क आवास, चिकित्सा सुविधा र अन्य प्रकारका विशेष भत्ताहरू पनि दिइन्छ, तर ती सबै सुविधाहरू हान केटाको नाममा मात्र जारी गरिन्छ ।

हान युवा र उइगर केटीहरू बीचको यस प्रकारको अन्तरजातीय विवाह चिनियाँ राष्ट्रपति जिनपिङको एक राष्ट्र, एक परिवारको परियोजना हो । यस प्रकारको अन्तरजातीय विवाहले पश्चिमी सिनजियाङ प्रान्तका उइगर मुस्लिमहरूको विरोधलाई दबाउन सक्ने उनीहरूको विश्वास छ । चीनको सिनजियाङ क्षेत्रमा उइगर जातीय र धार्मिक अल्पसंख्यकहरू क्रुरूरताको सिकार भइरहेका छन् । संयुक्त राष्ट्रसङ्घीय मानवअधिकार आयोगको प्रतिवेदनबाट यस्तो खुलासा भएको हो । यहाँ जनताको मानवअधिकार हनन भइरहेको प्रतिवेदनमा उल्लेख छ । उनीहरुलाई बन्धक बनाएर यातना दिइन्छ ।