मिशिगन । अमेरिकामा लाखौं मानिसहरूले क्रिसमसको पूर्वसन्ध्या अँध्यारोमा र चिसोले काँप्दै बिताइ रहेका छन् । हिमपात, भारी वर्षा र बाढीले जनजीवन कष्टकर बनाएको छ । यो धेरै अमेरिकी शहरहरु को लागी सबैभन्दा चिसो क्रिसमस ईभ भएको छ । अमेरिकाको मिशिगनमा तापक्रम माइनस १७ डिग्री सेल्सियस पुगेको छ । करिब २० करोड मानिस कडा चिसोसँग लडिरहेका छन् । धेरै सहरमा विद्युत आपूर्ति नराम्ररी प्रभावित भएको छ । २० लाखभन्दा बढी मानिसहरुको घरमा बिजुली छैन ।
खराब मौसमका कारण १० हजारभन्दा बढी उडान रद्द भएका छन् । आफ्नै घरमा क्रिसमस मनाउन चाहने लाखौंलाई ठूलो झट्का लागेको छ । मानिसहरु विमानस्थलको भुइँमा सुतेर रात बिताउन बाध्य भएका छन् । गाडीमा यात्रा गर्ने धेरै मानिसहरु सडकमै अलपत्र परेका छन् ।
हिम तूफानले करिब २ हजार माइल चौडा क्षेत्रको जनजीवन प्रभावित भएको छ । यो आँधी क्यानडा नजिकैको ग्रेट लेकदेखि मेक्सिकोको सिमानामा रहेको रियो ग्रान्डेसम्म फैलिएका छ । मौसमका कारण २३ जनाभन्दा बढीले ज्यान गुमाइ सकेका छन् । अमेरिकी जनसंख्याको ६०% ले गम्भीर मौसमसँग सम्बन्धित सल्लाह र चेतावनीहरू प्राप्त गर्दछ । करोडौं जनता कडा चिसोको सामना गरिरहेका छन् । खराब मौसमका कारण क्रिसमसको रमाइलो नमाइलो भएको छ ।
Add Comment