इरानमा इस्लामिक शासनविरुद्ध विरोध प्रदर्शनः अहिलेसम्म सय जनालाई मृत्युदण्डको सजाय

जाहेदान, इरान ।  इरानमा हिजाब लगाएपछि अब इस्लामिक शासनविरुद्ध विरोधको चरण सुरु भएको छ । सरकारले गरेको दमनविरुद्ध जनताले हिंसात्मक प्रदर्शन सुरु गरेका छन् । जनता सर्वोच्च नेता आयतोल्लाह अली खोमेनीविरुद्ध नारा लगाएका छन् । सिस्तान–बलुचिस्तान प्रान्तको राजधानी जाहेदानमा ‘तानाशाहको मृत्यु, खोमेनीलाई मृत्यु’ भन्ने नारा लगाइएको थियो ।

जनताले खोमेनीलाई मृत्युदण्ड दिनुपर्ने माग गरेका छन् । सोही क्रममा महिला आन्दोलनकारीले बालबालिका मार्ने सरकार नचाहेको बताइन् । शुक्रबार, ४० दिन मनाउन सुरक्षा बलहरूले मारिएका प्रदर्शनकारीहरूको चिहानमा ठूलो संख्यामा मानिसहरू भेला भएका थिए । अब यो लडाई अनिवार्य हिजाबको अन्त्यका लागि मात्र नभएर इस्लामिक शासन अन्त्यका लागि भएको आन्दोलनकारीहरूले बताएका छन् । हामीले महिलाका लागि पूर्ण र लोकतान्त्रिक अधिकारको माग गरिरहेका छौं र अधिकार नपाएसम्म सडकमा आन्दोलन जारी राख्ने छौं ।

इरानमा २२ वर्षीय मोहम्मद गोबदलुलाई अदालतले मृत्युदण्डको सजाय सुनाएको छ । उनले सरकारको विरोध गरेका थिए । पक्राउपछि उनलाई यातना दिइएको थियो । अदालतमा उनको पक्षमा वकिल उपलब्ध नगरी न्यायाधीशले उनलाई मृत्युदण्डको सजाय सुनाएको हो । मानवअधिकार समूहहरूले दावी गरे अनुसार अहिलेसम्म १०० प्रदर्शनकारीहरूलाई मृत्युदण्ड दिइएको छ ।