पेरुमा हिंसाका क्रममा १७ जनाको मृत्यु, पूर्वराष्ट्रपतिको रिहाइको माग गर्दै सेनासँग झडप, आपतकालको संकेत

लिमा दक्षिण अमेरिकी देश पेरुमा मङ्गलबार पूर्व राष्ट्रपति पेड्रो कास्टिलाका समर्थक र सुरक्षा बलबीच हिंसात्मक झडप भएको छ । अहिलेसम्म १७ जनाको ज्यान गएको बताइएको छ । ७३ जना घाइते भएका छन् । यसमा धेरै महिला पनि परेका छन् ।

३.३७ करोड जनसंख्या भएको पेरुमा राजनीतिक द्वन्द्वको युग नयाँ होइन । संसद् (कांग्रेस) र राष्ट्रपतिबीच झण्डै तीन वर्षदेखि विवाद छ ।
जसका कारण पटक पटक हिंसा भइसकेको छ । तर, पहिलो पटक यति धेरै मानिसको मृत्यु भएको छ । नयाँ राष्ट्रपति डिना बोलुर्टेले छिट्टै संकटकाल घोषणा गर्न सक्ने अनुमान गरिएको छ ।