तेल अवीव/दमास्कस । इजरायलले आइतबार बिहान सिरियाको राजधानी दमास्कसमा क्षेप्यास्त्र प्रहार गरेको छ । सिरियन अब्जरभेटरी फर ह्युमन राइट्सका अनुसार भवनमा भएको आक्रमणमा १५ जनाको मृत्यु भएको छ । धेरै मानिस घाइते भएका छन् । आक्रमण काफ्र सुसेमा भएको थियो । यस क्षेत्रमा सिरियाको सुरक्षा एजेन्सी, गुप्तचर मुख्यालय र वरिष्ठ अधिकारीहरू बस्छन् ।
सिरियाको रक्षा मन्त्रालयले एक विज्ञप्तिमा इजरायलले दमास्कसको गोलान हाइट्स र आसपासका क्षेत्रहरूबाट आवासीय क्षेत्रहरू सहित अन्य धेरै क्षेत्रमा हवाई आक्रमण गरेको जनाएको छ । यसअघि इजरायलले दमास्कस वरपरका क्षेत्रलाई धेरै पटक निशाना बनाएको थियो तर पहिलो पटक आवासीय क्षेत्रलाई निशाना बनाएको छ ।
तर, केही सञ्चारमाध्यमका अनुसार यो हमला मिसाइल सिरियाली एन्टी–एयरक्राफ्ट मिसाइलद्वारा गरिएको थियो । एक नियमको रूपमा, इजरायली सेनाले सिरियामा आक्रमणहरूमा टिप्पणी गर्दैन, तर विगत १० वर्षमा इजरायलले सिरियामा आफूलाई स्थापित गर्न खोजिरहेका इरान समर्थित समूहहरू विरुद्ध धेरै हवाई आक्रमण गरेको छ ।
इजरायल डिफेन्स फोर्सका अनुसार उनीहरूले ती समूहहरूसँग सम्बन्धित ठूलो मात्रामा हतियार राखिएको ठाउँहरूमा आक्रमण गर्ने गरेको छ । यी समूहहरूमा लेबनानको हिजबुल्लाह आतङ्ककारी संगठन मुख्य रूपमा समावेश छ । इजरायलको हवाई आक्रमणले सिरियाको हवाई रक्षा प्रणालीलाई धेरै पटक निशाना बनाएको छ । वास्तवमा इजरायललाइ आफ्नो उत्तरी सीमामा इरानी घुसपैठको डर हुन्छ र यसै कारणले उसले इरानी अड्डाहरू र लेबनानी आतंकवादी संगठन हिजबुल्लाहका आधारहरूमाथि आक्रमण गरिरहन्छ ।
गत वर्ष अगस्टमा पनि इजरायलले सिरियाका दुई विमानस्थललाई निशाना बनाएको थियो । जसमा ६ सिरियाली सैनिक मारिएका थिए भने २ विदेशी लडाकुको पनि मृत्यु भएको थियो । इजरायली पक्षबाट टी–४ सैन्य एयरबेसमा मिसाइलहरू प्रहार गरिएको थियो । हिजबुल्लाहको शाब्दिक अर्थ परमेश्वरको पार्टी हो । हिजबुल्लाह लेबनानका शिया मुस्लिमहरूको आतंकवादी संगठन र राजनीतिक पार्टी पनि हो । यो संगठन इरानका शिया मुस्लिमहरूको सिद्धान्तमा चल्छ । १९८२ मा इरानको क्रान्तिकारी गार्डहरूले लेबनानमा प्रवेश गरेका इजरायलीहरूलाई मार्न हिजबुल्लाह स्थापना गरेका थिए । हिजबुल्लाहलाई इरान र सिरियाबाट राजनीतिक, वैचारिक र सैन्य समर्थन प्राप्त भइरहेको छ, जसका कारण इजरायलले इरानको यो संगठनलाई घृणा गर्छ ।
Add Comment