सिक्किमको नाथुलामा ठूलो हिमपहिरोमा परी सात पर्यटकको मृत्यु

नयाँ दिल्ली । मङ्गलबार सिक्किमको नाथुलामा ठूलो हिमपहिरोमा परी सात पर्यटकको मृत्यु भएको छ भने कही पर्यटकको उद्धार गरिएको छ । हिमपहिरोमा परी घाइते भएकाहरुलाई घटनास्थलमै स्वास्थ्य सेवा प्रदान गरिएको छ । अझै पनि केही फसेका हुन सक्ने आशंका जताएको छ । अपरेशन अलआउट अन्तर्गत राहत र उद्धार कार्य युद्धस्तरमा चलिरहेको छ । सेनाका प्रवक्ता लेफ्टिनेन्ट कर्नल महेन्द्र रावतले गान्तोकदेखि नाथुला जोड्ने नेहरू सडकमा ठूलो हिमपहिरो खसेको बताए । नाथुला जाने बाटोमा २०–३० पर्यटकसहित ५–६ सवारीसाधन हिउँमुनि पुरिएको आशंका छ । घटनाको जानकारी प्राप्त हुनासाथ त्रिशक्ति कोर्प्स, भारतीय सेना र बीआरओ परियोजना स्वस्तिकको टोलीले तुरुन्तै राहत तथा उद्धार कार्य सुरु गरेको थियो ।

समाचार एजेन्सी पीटीआईका अनुसार सिक्किम–नाथुला सीमा क्षेत्रमा ठूलो हिमपहिरोमा सात पर्यटकको मृत्यु भएको छ भने ज्ञज्ञ जना घाइते भएका छन्। उही समयमा, समाचार एजेन्सी एएनआईले पुलिस अधिकारीहरूलाई उद्धृत गर्दै गंगटोक र नाथुलालाई जोड्ने जवाहरलाल नेहरू रोडमा ४तज माइलमा उद्धार कार्य जारी रहेको बताएको छ। हिउँमा फसेका २२ पर्यटकको उद्धार गरिएको छ । सडकबाट हिउँ हटाएर अलपत्र परेका ३५० पर्यटक र ८० सवारी साधनको पनि उद्धार गरिएको छ ।

साँझ ५ः३५ बजे गान्तोक–नाथुला सडकमा सोही स्थानमा अर्को पहिरो गएको भारतीय सेनाले जनाएको छ । हिमपात पनि सुरु भएकाले उद्धार कार्यमा समस्या भएको छ । थप पहिरोको आशंकामा जिल्ला प्रशासनले उद्धार तथा खोजी कार्य स्थगित गरेको छ ।