खार्तुम । सुडानको राजधानी खार्तुममा केही दिनदेखि अर्धसैनिक बल र देशको सेनाबीचको तनावपछि बन्दुक चलेको र विस्फोटको आवाज सुनिएको छ । एएफपीका अनुसार सहरको मध्यभागमा रहेको सेनाको मुख्यालय नजिकै गोली चलेको आवाज सुनिएको थियो । अर्धसैनिक बल र सेनाले एकअर्काको स्थानमा आक्रमण गरिरहेका छन् ।
अर्धसैनिक ¥यापिड सपोर्ट फोर्स (आरएसएफ) ले विमानस्थलको नियन्त्रण आफ्नो नियन्त्रणमा लिएको बताएको छ । यसअघि उसले खार्तूमको दक्षिणमा रहेको आफ्नो एउटा शिविरमा आक्रमण भएको जनाएको थियो । यसैबीच, सेनाले आरएसएफ लडाकुहरूले सेनाको मुख्यालय कब्जा गर्ने प्रयास गरिरहेको बताएको छ ।
समाचार एजेन्सी एएफपीले सेनाका प्रवक्ता ब्रिगेडियर जनरल नबिल अब्दल्लाहलाई उद्धृत गर्दै खार्तूम र सुडान वरपरका अन्य ठाउँमा ¥यापिड सपोर्ट फोर्सका लडाकुहरूले धेरै सैनिक शिविरमा आक्रमण गरेका छन् । झडप भईरहेको छ र सेनाले देशको रक्षाको कर्तव्य गरिरहेको छ । रोयटर्स समाचार एजेन्सीले पनि प्रत्यक्षदर्शीहरूलाई उद्धृत गर्दै उत्तरी सहर मेरोभमा गोलीबारी भएको बताएको छ । अलराबिया टिभीले त्यहाँको सैन्य शिविरबाट धुवाँ निस्किएको तस्बिरहरू प्रसारण गरिरहेको छ, रोयटर्स समाचार एजेन्सीले रिपोर्ट गरेको छ ।
चीन नियन्त्रित समाचार च्यानल सीजीटीएनको रिपोर्ट अनुसार आरएसएफले जारी गरेको विज्ञप्तिमा खार्तुम विमानस्थलको नियन्त्रण दाबी गरेपछि राजधानी खार्तुममा रहेको राष्ट्रपतिको दरबारलाई पूर्ण रूपमा नियन्त्रणमा लिएको दाबी गरेको छ । सेनाले अक्टोबर २०२१ मा कु त्यसयता उनी सार्वभौमसत्ता परिषदमार्फत देश चलाउँदै आएकी छिन् । काउन्सिलका उपाध्यक्ष जनरल मोहम्मद हमदान डगालोले आरएसएफको नेतृत्व गरेका छन् । जबकि, सेनाको नेतृत्व जनरल अब्देल फताह अल–बुरहानले गरिरहेका छन्, जो सार्वभौम परिषदको प्रमुख छन् । सेना र आरएसएफ प्रतिद्वन्द्वी राष्ट्रपति ओमार अल–बशीरको शासनकालको हो, जसलाई २०१९ मा अपदस्थ गरिएको थियो ।
Add Comment