रुसको बेलगोरोडमा सैन्य विमान दुर्घटना, युक्रेनी युद्धबन्दीसहित तीन जनाको मृत्यु

रोयटर्स, मस्को । रुसको बेलगोरोडमा बुधबार एउटा सैन्य यातायात विमान दुर्घटना भएको छ । रुसको सरकारी सञ्चारमाध्यमले रक्षा मन्त्रालयलाई उद्धृत गर्दै उक्त विमानमा ६५ युक्रेनी युद्धबन्दीहरू सवार रहेको बताएको छ । विमान दुर्घटना हुँदा चालक दलका ६ सदस्य र तीन गार्डसहित ७४ जना सवार रहेको रक्षा मन्त्रालयले जनाएको छ । समाचार एजेन्सी एपीका अनुसार रुसी गभर्नरले विमान दुर्घटनामा सवार सबैको मृत्यु भएको बताए ।
विमान दुर्घटनाको कारणबारे तत्काल कुनै जानकारी आएको छैन । रुसी सांसद र सेवानिवृत्त जनरल आन्द्रेई कार्तपोलोभले संसदीय सत्रमा विमानलाई तीनवटा मिसाइलले खसालेको बताए । यद्यपी उनले यो कुरा कुन श्रोतबाट पुष्टी भएको बताएनन् । उही समयमा, समाचार एजेन्सी रोयटर्सले विमानमा को सवार थिए भन्ने पुष्टि गरेको छैन, तर रूस र युक्रेन बीच युद्ध कैदीहरूको नियमित आदानप्रदान भइरहेको छ ।
रूसी सैन्य आईएल–७६ एक सैन्य यातायात विमान हो जुन सेना, कार्गो, सैन्य उपकरण र हतियार ढुवानी गर्न प्रयोग गरिन्छ । यो विमानमा सामान्यतया पाँच जना चालक दल हुन्छन् र ९० जनासम्म यात्रु बोक्न सक्छन् । बेल्गोरोडका गभर्नर व्याचेस्लाभ ग्लाडकोभले विमान सहरको उत्तर–पूर्वी कोरोचान्स्कीमा दुर्घटनाग्रस्त भएको बताए । गभर्नरले विमान दुर्घटनाको जानकारी प्राप्त भएको बताए । यो ठाउँ युक्रेनको सीमासँग जोडिएको छ र पछिल्ला केही महिनादेखि सीमा क्षेत्रमा युक्रेनबाट लगातार आक्रमण भइरहेको छ । यी आक्रमणमा २५ जनाको मृत्यु भएको छ । युक्रेनले यी क्षेत्रहरूमा बारम्बार मिसाइल आक्रमण गरेको छ ।