जापानले प्रशान्त महासागरमा ५४ हजार टन दूषित आणविक प्लान्टको फोहोर फाल्ने, समुद्र तटहरूमा रेडियोधर्मी फोहोरबाट प्रदूषणको खतरा

एजेन्सी, टोकियो । जापानको फुकुशिमा आणविक उर्जा प्लान्टको सञ्चालक टोकियो इलेक्ट्रिक पावर कम्पनी (टेप्को) ले सन् २०२४ को आर्थिक वर्षमा प्लान्टबाट करिब ५४,६०० टन आणविक दूषित पानी समुन्द्रमा छोड्ने योजना बनाएको छ । रिपोर्टका अनुसार बिहीबार घोषणा गरिएको योजना अनुसार अप्रिल १, २०२४ देखि मार्च ३१, २०२५ सम्म सात चरणमा प्रशान्त महासागरमा छोड्ने योजना रहेको जनाएको छ ।

(टेप्को) ले मार्च ३१ को अन्त्यसम्म सम्पूर्ण योजनालाई अन्तिम रूप दिने अपेक्षा गरिएको छ । फुकुशिमा र अन्य देशहरूमा माछा मार्नेहरू बीचको चिन्ता र विरोधको बावजुद, फुकुशिमाबाट फोहोर पानी निकासी अगस्त २०२३ मा सुरु भयोको थियो । प्लान्टको रिएक्टर भवनहरूमा आणविक इन्धन चिसो गर्दा रेडियोधर्मी पदार्थहरूले दूषित पानी ठूलो मात्रामा उत्पादन गरिरहेको छ, जुन आणविक प्लान्टमा ट्याङ्कहरूमा भण्डार गरिएको छ ।