वासिङ्टन, कार्तिक २१ । अमेरिकी राष्ट्रपति चुनावमा रिपब्लिकन उम्मेदवार डोनाल्ड ट्रम्पले बलियो रुपमा जित दर्ता गरेका छन् । विजयपछि डोनाल्ड ट्रम्पले आफ्नो पहिलो भाषणमा देशका जनतालाई धन्यवाद दिएका छन् । उनले भने, ’धन्यवाद अमेरिकीहरूलाई । असम्भवलाई सम्भव बनाएका छौं । सिनेटमा हाम्रो नियन्त्रण छ । यो अमेरिकी जनताको जित हो ।
म अमेरिका र अमेरिकी जनताको परिवार र भविष्यका लागि लड्नेछु ।’ ट्रम्पले भने, ‘यो अमेरिकाको ‘स्वर्ण युग’ हुनेछ । यो अमेरिकी जनताको लागि ठूलो विजय हो र यसले हामीलाई अमेरिकालाई फेरि महान बनाउन अनुमति दिनेछ । यो अमेरिकी इतिहासमा सबैभन्दा ठूलो निर्वाचन हो । अमेरिकाको भविष्यका लागि मिलेर काम गर्नेछौं ।
Add Comment