भारतको गुजरात बनासकान्तामा  एक पटाका कारखानामा विस्फोट १८ जनाले गुमाए ज्यान 

बनासकांठा, गुजरात । गुजरातको बनासकांठामा रहेको एक पटाका कारखानामा विस्फोट भएको छ । यस विस्फोटमा १८ जनाको मृत्यु भएको छ भने मृत्यु हुनेको संख्या बढ्न सक्ने अनुमान गरिएको छ । कारखानामा बॉयलर विस्फोट भएको हो । दुर्घटना हुँदा कारखानामा ३० जना मजदुर काम गरिरहेका थिए । घाइतेहरुलाई अस्पतालमा भर्ना गरिएको छ । उद्धार टोली घटनास्थलमा पुगेको छ । फायर ब्रिगेडको टोली कारखाना भित्र लागेको आगो निभाउनमा जुटेको छ ।

मंगलबार बिहान ९ बजेदेखि पटाका कारखानाबाट विस्फोटको आवाज सुनिन थाल्यो । नजिकैका मानिसहरु घटनास्थल पुग्दा पटाका कारखानाबाट आगो निस्किरहेको थियो । तुरुन्तै यो जानकारी फायर ब्रिगेड सहित एसडीआरएफ टोलीलाई दिइएको थियो । स्थानीयका अनुसार विस्फोटको आवाज टाढासम्म सुनिएको थियो । विष्फोटले क्षेत्र त्रसित भएको स्थानीयले बताएका छन् । दुर्घटनामा कारखानाको केही भागमा क्षति पुगेको डिसा गाउँपालिकाका प्रहरी निरीक्षक विजय चौधरीले जानकारी दिएका छन् । केही मानिस अझै पनि भग्नावशेषमुनि पुरिएका छन् । घाइतेहरूलाई उपचारका लागि नजिकैका अस्पतालहरूमा भर्ना गरिएको छ । यस दुर्घटनाको छानबिन गर्न निर्देशन दिइएको छ । दुर्घटना भएको कारखानाको नाम दीपक ट्रेडर्स हो । यहाँ पटाका बनाइन्छ । दुर्घटनापछि कारखानाका मालिक फरार छन् ।

डीएम माहिर पटेल पनि घटनास्थल पुगेका छन् । उक्त कारखानाले पटाका बनाउने लाइसेन्स लिएको थियो वा थिएन भन्ने कुराको खोजी भइरहेको छ । यस दुर्घटनाको छानबिन गर्न निर्देशन दिइएको छ । पटाका फ्याक्ट्रीमा विष्फोट हुँदा त्यहाँ बनेको गोदामको केही भाग भत्किएको डिसा उपविभागीय मजिस्ट्रेट नेहा पञ्चालले बताइन् । धेरै मजदुर भग्नावशेषमुनि दबिएका छन् । घटनास्थलबाट भग्नावशेष हटाउने काम भइरहेको छ । डिसा नगरपालिकाले जानकारी पाएर दमकललाई घटनास्थलमा पठाएको थियो । कारखाना भित्रको आगो निभाउने काम भइरहेको छ ।