जनवरी २७ मा जेरुसेलममा भएको गोलीकाण्डपछि इजरायलमा हतियार राख्न सम्बन्धी कानूनलाई खुकुलो बनाउने नेतान्याहुको निर्णय 

जेरुसेलम । जनवरी २७ मा जेरुसेलमको नेवे याकोभमा रहेको पूजास्थल नजिकै अन्धाधुन्ध गोलीबारी भएको थियो । जसमा ७ जनाको मृत्यु भएको छ भने १० जना घाइते भएका थिए । यस हमलापछि नेतन्याहु सरकारले इजरायलका जनताको सुरक्षालाई लिएर ठूलो निर्णय गरेको छ । यस अन्तर्गत अब इजरायलमा हतियार राख्न सम्बन्धी कानुनमा खुकुलो बनाइने भएको छ । ताकि धेरै भन्दा धेरै मानिसहरूले आफूसँग हतियार राख्न सकून् । सरकारले शनिबार राति यस्तो घोषणा गरेको हो ।

नेतान्याहुले इजरायलका जनतालाई बन्दुक राख्नको लागि अनुमति प्राप्त गर्न सजिलो बनाउने वाचा गरेका छन् । साथै गैरकानुनी हतियार राख्नेलाई जतिसक्दो चाँडो हटाइने छ । नेतान्याहुले इजरायलका जनतालाई हानि पु¥याउने जो कोहीलाई पनि नछोडिने चेतावनी दिएका छन् ।

तर, बन्दुकसम्बन्धी कानुन खुकुलो भएपछि हिंसा अझै बढ्न सक्ने अलजजिराको रिपोर्टमा उल्लेख छ । बरिष्ठ राजनीतिक विश्लेषक मारवान बिश्राले एकातिर नेतान्याहुले हमलापछि कानून र व्यवस्थालाई हातमा नलिन जनतालाई अपील गरेका छन् भने हतियार राख्नका लागि कानुनलाई पनि खुकुलो बनाएको बताए । यसले अवस्था झनै बिग्रन्छ । बन्दुकसम्बन्धी कानुनलाई खुकुलो बनाउने निर्णयमा राष्ट्रिय सुरक्षा मन्त्री बेन–गवीरको हात रहेको बताइएको छ ।

२०१५ र २०१६ मा, प्यालेस्टिनी लडाकुहरूले इजरायलीहरूलाई आक्रमण गर्ने नयाँ तरिकाहरू देखिएको थियो । बाटोमा हिँड्दा चक्कु प्रहार गर्ने गर्दथे भने कहिले सवारी साधनले हान्ने गर्थे । यस प्रकारको आक्रमणलाई प्यालेस्टिनियन वुल्फ आक्रमण भनिन्छ । यस पछि, धेरै मानिसहरूले इजरायली सरकारलाई बन्दुकसम्बन्धी कानूनहरू सुधार गर्न दबाब दिएका थिए । ताकि अधिक इजरायली यहूदीहरूले प्यालेस्टिनीहरूको आक्रमणबाट आफूलाई बचाउन हतियार राख्न सकून् । त्यसपछि २०१८ मा इजरायली सरकारले ५ लाख मानिसलाई बन्दुक राख्न दिने निर्णय गरेको थियो ।