लाहोर । इस्लामावाद अदालतले पाकिस्तानका पूर्वप्रधानमन्त्री इमरान खानविरुद्ध तोशाखाना मुद्दामा जारी गरेको पक्राउ पुर्जी खारेज गर्न अस्वीकार गरेको छ । यसले अब उनको गिरफ्तारीको बाटो खुलेको छ । इस्लामावाद अदालतले गत हप्ता अदालतमा हाजिर नभएको भन्दै उनीविरुद्ध पक्राउ पुर्जी जारी गरेको थियो । त्यसपछि आइतबार प्रहरीले उनलाई पक्राउ गर्न लाहोरको जमान पार्कमा पुगेको थियो । तर त्यतिबेला इमरान बेपत्ता भएकाले प्रहरीले समात्न सकेन र रित्तै हात फर्कियो ।
यसअघि खानले आफूलाई हत्या गर्ने डर लागेको बताएका थिए । पाकिस्तानी वेबसाइट एक्सप्रेस ट्रिब्यूनलाई उद्धृत गर्दै मिडिया रिपोर्टले इमरानले आफ्नो सुरक्षाका लागि पाकिस्तानका प्रधानन्यायाधीशलाई पत्र लेखेको बताएको छ । जसमा इमरानले अदालतमा उपस्थित हुँदा पर्याप्त सुरक्षा व्यवस्था गर्न आग्रह गरेका छन् । पाकिस्तानी समाचार वेबसाइट एक्सप्रेस ट्रिब्यूनले जानकारी दिएको छ कि इमरानले प्रधानन्यायाधीशलाई लेखेको पत्रमा भनेका छन्– म धेरै गम्भीर मुद्दामा तपाईंको ध्यानाकर्षण गराउन चाहन्छु । मेरो विरुद्ध धेरै एफआईआर परेका छन् । मलाई धम्की आइरहेको छ । अहिले मलाई हत्याको मुद्धा लाग्ने डर छ । आइतबार प्रहरी केही घण्टापछि फर्किएपछि इमरान बाहिर निस्केका थिए । खानले सरकार, प्रहरी, सेना र आईएसआईमाथि कडा शाब्दिक हमला गरेका थिए । तर पाकिस्तानी मिडियाले इमरान गिरफ्तारीबाट बच्न नसक्ने बताएका छन् । उनलाई पक्राउ गर्न विशेष कमाण्डो फोर्स तयार छ ।
गिरफ्तारीबाट बच्न इमरान खानले लाहोरस्थित आफ्नो घर जमान पार्क बाहिर आफ्ना समर्थकहरूलाई भेला गरेका छन् । चारवटा बाटोमा जमान र उनका समर्थक चारैतिर लाठीसहित उपस्थित छन् । जसमा महिला पनि पर्छन् । यी मानिसहरूलाई खाना र पानी त्यहीँबाट उपलब्ध गराइन्छ । इमरानले हालै जेल भरो आन्दोलन सुरु गरेका थिए । उनको पार्टीका धेरै नेता जेलमा छन् । विशेष कुरा इमरान आफै जेल जानबाट जोगिइरहेका छन् । यसका लागि उनले सबै किसिमको तयारी सुरु गरिसकेका छन् ।
’जियो न्यूज’ को रिपोर्ट अनुसार इस्लामाबाद पुलिसका १० जना मात्रै आइतबार दिउँसो खानको घर पुगेका थिए । उनीहरुको उद्देश्य इमरानलाई पक्राउ गर्नु थिएन । यी मानिसहरू खानका कति समर्थक छन् र उनीहरूसँग कस्तो हतियार छ भनेर हेर्न मात्र गएका थिए ।
रिपोर्टका अनुसार रेन्जर्स र प्रहरीको विशेष कमाण्डो टोलीले जुनसुकै बेला अपरेशन गर्नेछ र त्यसमा खानलाई पक्राउ गरिनेछ । यो टोलीमा महिला प्रहरी पनि छन् । पक्राउ पर्नबाट बच्न इमरानले महिला र बालबालिकालाई ढालको रूपमा प्रयोग गरिरहेको प्रहरीको आशंका छ ।
जमान पार्क जाने चारवटै सडकलाई क्यामेराले निगरानी गरिरहेको छ । यदि इमरान त्यहाँबाट भाग्न खोज्यो भने उसलाई बाटोमा पक्राउ गरिनेछ । पक्राउ परे सबैभन्दा पहिले ठूला सरकारी अस्पतालमा उपचार गराइन्छ । त्यसपछि एजेन्सीले उनीहरुलाई सोधपुछ गर्नेछ । त्यसपछि उनलाई इस्लामावाद अदालतमा पेश गरिनेछ ।
पूर्वप्रधानमन्त्री इमरान खानलाई तोषाखाना मुद्दामा पक्राउ गर्न प्रहरी आइतबार उनको घर पुगेको थियो । इस्लामाबाद प्रहरीले ट्वीट गर्दै एसपी आफ्नो कोठामा पुग्दा इमरान त्यहाँ उपस्थित नभएको बताएको छ । त्यसको केही घण्टापछि इमरान खानले लाहोरमा समर्थकहरूलाई सम्बोधन गरेका थिए । पाकिस्तानको यति अपमान कहिल्यै भएको छैन हाम्रा अपराध मन्त्री (प्रधानमन्त्री शाहबाज शरीफ) भीख मागेर घुमिरहेका छन् खानले भनेका थिए । मेरा समर्थक टाइगर हुन् । म कसैको अगाडि झुकेको छैन हामी मात्र अल्लाहको अगाडि झुक्ने मान्छे हौं । शाहबाज १६ अर्बको घोटालामा सजाय भोग्न लागेका थिए । जनरल बाजवाले उनलाई प्रधानमन्त्री बनाए । गृहमन्त्रीले ८ वटा हत्या गरेका छन् र उनि ठूला चोर हुन् । उनले भने– नवाज शरीफले लन्डनबाट निर्णय लिइरहेका छन् । यी मानिसहरूले हाम्रो भाग्यको फैसला गर्छन् । भारतीय च्यानलहरूले हाम्रो खिल्ली उडाइरहेका छन् । आफ्नो भाषणमा इमरानले जनतालाई जिहादमा जान सल्लाह पनि दिएका थिए । उनले भने कि केही आईएसआई अधिकारीहरू शैतान बनेका छन् । यी मानिसहरू भन्छन् कि मलाई रक्षा गर्नेछन् तर म भन्छु कि तिनीहरूले मलाई मार्न चाहन्छन् ।
इमरानलाई पक्राउ गर्न गएको प्रहरीले उनको घरमा पुग्नुको उद्देश्य उनलाई पक्राउ गर्नु नभएको बताएको थियो । यदि यसो गर्ने हो भने कुनै शक्तिले रोक्न सक्दैन । हामीले इमरानको तर्फबाट पूर्व विदेशमन्त्री शाह महमूद कुरैशीलाई ७ मार्चमा अदालतमा उपस्थित हुन सूचना दिएका छौं । इस्लामावाद प्रहरीले पनि इमरान पक्राउबाट बच्न निकै प्रयास गरिरहेको ट्विट गरेको छ । इमरान खान आइतवार गिरफ्तारीबाट जोगिएका हुन सक्छन् तर उनले आफैंले आफ्नो कठिनाइ बढाएका छन् । वास्तवमा जब इस्लामावाद पुलिस उनलाई पक्राउ गर्न पुग्यो उनले हजारौं समर्थकहरूलाई घरको तीनै बाटोमा जम्मा गराएका थिए । यसपछि जब एसपी तारिक बशीर नोटिस लिएर खानको घरमा प्रवेश गरे उनलाई खान घरमा उपस्थित नभएको बताइयो ।
प्रहरी फर्किएपछि इमरान घरबाहिर आएर समर्थकलाई सम्बोधन गरे । इमरानले प्रधानमन्त्रीलाई अपराध मन्त्री भनेका छन् । अरू सबै नेताहरूलाई चोर, डाँका, डाँटे र गुण्डा भने । सेना र आईएसआईलाई सीधा चुनौती दिए । अब अदालतले उनीहरुमाथि थप कडाइ गर्ने छ । खानले आफूलाई मार्च ७ मा अदालतमा हाजिर हुने बताएका छन् तर अदालतले उनलाई पक्राउ गर्न चाहन्छ । धेरै सम्भव छ खानलाई राती ढिलो वा कुनै दिन बिहान सबेरै उठाउन सकिन्छ । पाकिस्तानी मिडियाले यस्तो दाबी गरेको छ ।
Add Comment